NEWS 22 TRUTH . EQUALITY . FRATERNITY
Related Articles
സംസ്ഥാനത്തെ ബസുകളിൽ അധിക ചാർജ് ഈടാക്കാൻ അനുമതി നൽകിയ ഹൈക്കോടതി വിധിക്ക് സ്റ്റേ. അധിക ബസ് ചാർജ് ഈടാക്കാമെന്നുള്ള സിംഗിൾ ബെഞ്ച് ഉത്തരവ് ഡിവിഷൻ
ബഞ്ച് സ്റ്റേ ചെയ്തു. ഇതോടെ മിനിമം ചാർജ് എട്ട് രൂപ തന്നെയായി തുടരും. കോവിഡ് പശ്ചാത്തലത്തിൽ സർക്കാർ ആദ്യ ഘട്ടത്തിൽ ബസ് യാത്രാ നിരക്ക് വർധിപ്പിച്ചിരുന്നു. എന്നാൽ പിന്നീട് മുഴുവൻ സീറ്റിലും യാത്രക്കാരെ
അനുവദിച്ചതോടെ നിരക്ക് വർധന പിൻവലിക്കുകയും ചെയ്തിരുന്നു. ഇതിന് പിന്നാലെയാണ് സ്വകാര്യ ബസ് ഉടമകൾ നിരക്ക് വർധന ആവശ്യപ്പെട്ട് ഹൈക്കോടതിയെ സമീപിച്ചത്. ബസുകളിൽ മുഴുവൻ യാത്രക്കാർക്കും
അനുമതി നൽകിയ സാഹചര്യത്തിൽ ബസ് ചാർജ് വർധിപ്പിക്കേണ്ടതില്ലെന്ന് ഗതാഗതമന്ത്രി നേരത്തെ വ്യക്തമാക്കിയിരുന്നു. നിരക്ക് വർധിപ്പിക്കാൻ അനുവദിച്ച സിംഗിൾ ബെഞ്ച് ഉത്തരവിനെ
തുടർന്ന് സ്വകാര്യ ബസ് ഉടമകൾ മിനിമം ചാർജ് 8 രൂപയിൽ നിന്ന് 12 രൂപയാക്കി ഉയർത്തിയാണ് സർവീസ് നടത്തുന്നത്.
