NEWS 22 TRUTH . EQUALITY . FRATERNITY
Related Articles
ഇന്ത്യയിലെ പല വിവാഹങ്ങളും പല തരത്തിലാണ്. വ്യത്യസ്ത സംസ്കാരങ്ങളിലുള്ളവരുടെ വിവാഹ ചടങ്ങുകളും വ്യത്യസ്തമാണ്. പല വിവാഹ ചടങ്ങുകളും ദിവസങ്ങളോളം നീണ്ടുനിൽക്കുന്നതുമാണ്. കാലത്തിനനുസരിച്ച് വിവാഹ ചടങ്ങുകളിൽ മാറ്റങ്ങളും വന്നിട്ടുണ്ട്. എന്നാൽ വളരെ വ്യത്യസ്തമായ ഒരു വിവാഹ ചടങ്ങാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
വരനെ വധുവിന്‍റെ വീട്ടുകാർ സിഗരറ്റും പാനും നൽകി സ്വീകരിക്കുന്നത് വീഡിയോയിൽ കാണാം. വധുവിന്‍റെ അമ്മയാണ് വരന് സിഗരറ്റ് നൽകുന്നത്. അച്ഛൻ അത് കത്തിക്കാൻ ശ്രമിക്കുന്നുണ്ട്. വരൻ സിഗരറ്റ്
ചുണ്ടിൽ വയ്ക്കുന്നുണ്ടെങ്കിലും, അത് വലിക്കുന്നില്ല. എന്നാൽ ഇത് സോഷ്യൽ മീഡിയയിൽ ഷെയർ ചെയ്തതോടെ വലിയ ചർച്ചകൾക്കാണ് വഴിവെച്ചത്.
“മരുമകനെ മധുരപലഹാരങ്ങൾക്കൊപ്പം ബീഡിയും പാനും നൽകി അമ്മായിയമ്മ സ്വീകരിക്കുന്ന ഒരു പുതിയ വിവാഹ പാരമ്പര്യത്തിന് സാക്ഷ്യം വഹിച്ചു,” എന്ന് ക്യാപ്ഷൻ നല്കി ജൂഹി കെ പട്ടേൽ എന്ന ബ്ലോഗറാണ് വീഡിയോ സോഷ്യൽ മീഡിയയിൽ പങ്കുവെച്ചത്.
