NEWS 22 TRUTH . EQUALITY . FRATERNITY
Related Articles
അബുദാബി/മക്ക: റമദാൻ അടുക്കുന്തോറും ഉംറ തീർത്ഥാടനത്തിനുള്ള തിരക്കും നിരക്കും വർദ്ധിച്ചു. യുഎഇയിൽ നിന്നുള്ള തീർത്ഥാടകരുടെ എണ്ണം 65 ശതമാനവും നിരക്ക് 15 ശതമാനവും വർദ്ധിച്ചു. ഒരാഴ്ചകൊണ്ട് നൂറോളം ബസുകൾ സർവീസ് ഉണ്ടായിട്ടും സീറ്റുകളില്ല.
മക്കയിലെയും മദീനയിലെയും പഞ്ചനക്ഷത്ര ഹോട്ടലുകളിൽ സീറ്റുകളില്ലാത്തതും നിരക്ക് ഉയരാൻ കാരണമായതായി ഉംറ ഏജൻസികൾ സൂചിപ്പിച്ചു. ഉംറയ്ക്ക് പോകുന്നതിന് 1700 ദിർഹത്തിൽ നിന്ന് 2000 ദിർഹമായി ഉയർന്നു.
റംസാൻ അടുക്കുന്തോറും നിരക്ക് ഇനിയും ഉയരുമെന്നാണ് സൂചന. വിശുദ്ധ റമദാൻ മാസത്തിൽ ഉംറ നിർവഹിക്കേണ്ടതിന്‍റെ പ്രാധാന്യമാണ് തിരക്കിന് കാരണം. ആഴ്ചയിൽ നൂറോളം ബസുകളാണ് യു.എ.ഇയിൽ നിന്ന് ഉംറ സർവീസ് നടത്തുന്നത്. ഒരു ബസിലെ 50 പേർ ഉൾപ്പെടെ ശരാശരി 5,000 പേരാണ് യു.എ.ഇയിൽ നിന്ന് ഉംറയ്ക്ക് പോകുന്നത്. മലയാളികൾ ഉൾപ്പെടെ വിവിധ രാജ്യങ്ങളിൽ നിന്നുള്ള പ്രവാസികളും ഇതിൽ ഉൾപ്പെടും.
