NEWS 22 TRUTH . EQUALITY . FRATERNITY
Related Articles
ചാമ്പ്യന്‍സ് ലീഗില്‍ സ്പാനിഷ് വമ്പന്‍മാരായ ബാഴ്സലോണയ്ക്കു സമനില. ബാഴ്സയെ സമനിലയില്‍ തളച്ചത് ഇറ്റാലിയന്‍ ടീം നാപ്പോളിയാണ്.
പ്രീ ക്വാര്‍ട്ടറിലെ ആദ്യ പാദ മത്സരത്തില്‍ 1-1 ന് ആണ് ബാഴ്സ സമനിലയില്‍ കുരുങ്ങിയത്.
എന്നാലും എവേ മൈതാനത്ത് നേടിയ ഗോള്‍ ബാഴ്സയ്ക്കു രണ്ടാം പാദത്തില്‍ മുന്‍തൂക്കം നല്‍കും.
കളിയുടെ ആദ്യ പകുതിയില്‍ ഒരു ഗോള്‍ ലീഡ് നേടിയ നാപ്പോളിയെ രണ്ടാം പകുതിയില്‍ ബാഴ്സ ഒപ്പംപിടിക്കുകയായിരുന്നു.
കളി തുടങ്ങി ആദ്യം ഡ്രിസ് മാര്‍ട്ടന്‍സ്(30) ലൂടെ നാപ്പോളിയാണ് സ്കോര്‍ ചെയ്തത്. ബാഴ്സ 57 ാം മിനിറ്റില്‍ ഗ്രീസ്മാനിലൂടെ സമനിലപിടിക്കുകയായിരുന്നു. അടുത്ത മാസം 18 ന് ന്യൂകാമ്ബിലാണ് രണ്ടാം പാദ മത്സരം നടക്കുക.
