NEWS 22 TRUTH . EQUALITY . FRATERNITY
Related Articles
കുവൈത്ത് സിറ്റി: കുവൈത്തിൽ ഈ വാരാന്ത്യത്തിൽ ശൈത്യ തരംഗത്തിന് സാധ്യതയുണ്ടെന്ന് മുന്നറിയിപ്പ്. മരുഭൂമി കാലാവസ്ഥാ നിരീക്ഷണ കേന്ദ്ര പ്രദേശത്ത് താപനില 3 ഡിഗ്രി സെൽഷ്യസിൽ താഴെയെത്താൻ സാധ്യതയുണ്ട്. സൈബീരിയൻ പർവതനിരകളിൽ നിന്നുള്ള തണുത്ത കാറ്റാണ് ഇതിന് കാരണമെന്ന് കാലാവസ്ഥാ നിരീക്ഷകൻ ഫഹദ് അൽ-ഒതൈബി പറഞ്ഞു.
വെള്ളി, ശനി ദിവസങ്ങളിൽ അതിരാവിലെ മഞ്ഞ് രൂപപ്പെടാൻ സാധ്യതയുണ്ടെന്നും അദ്ദേഹം പറഞ്ഞു. കൃഷിയിടങ്ങളിലും മരുഭൂമികളിലും താപനില 2 മുതൽ 5 ഡിഗ്രി സെൽഷ്യസ് വരെയാകും. ജനവാസ മേഖലകളിൽ താപനില 5 മുതൽ 10 ഡിഗ്രി സെൽഷ്യസ് വരെയായിരിക്കുമെന്നും അടുത്ത ഞായറാഴ്ച വീണ്ടും മഴ പെയ്യാൻ സാധ്യതയുണ്ടെന്നും അദ്ദേഹം വ്യക്തമാക്കി.
