NEWS 22 TRUTH . EQUALITY . FRATERNITY
Related Articles
കുവൈത്ത് സിറ്റി: യാത്രക്കാരെ ദുരിതത്തിലാക്കി വിമാനം റദ്ദാക്കൽ. വെള്ളിയാഴ്ചയും തിങ്കളാഴ്ചയുമുള്ള ഷെഡ്യൂളുകൾ പൂർണ്ണമായും റദ്ദാക്കിയതായി എയർ ഇന്ത്യ എക്സ്പ്രസ് അറിയിച്ചു. ഫെബ്രുവരി 10ന് കണ്ണൂരിൽ നിന്ന് കുവൈത്തിലേക്കും തിരിച്ച് കുവൈത്തിൽ നിന്ന് കണ്ണൂരിലേക്കും, ഫെബ്രുവരി 13ന് കോഴിക്കോട് നിന്ന് കുവൈത്തിലേക്കും തിരിച്ച് കുവൈത്തിൽ നിന്ന് കോഴിക്കോട്ടേക്കുമുള്ള ഷെഡ്യൂളുകളാണ് റദ്ദാക്കിയത്.
കണ്ണൂരിൽ നിന്ന് വെള്ളിയാഴ്ച പുലർച്ചെ 4.20ന് പുറപ്പെട്ട് രാവിലെ ഏഴിന് കുവൈത്തിലെത്തുന്ന എയർ ഇന്ത്യ എക്സ്പ്രസാണ് റദ്ദാക്കിയത്. കുവൈത്തിൽ നിന്ന് രാവിലെ എട്ടിന് പുറപ്പെട്ട് പുലർച്ചെ 3.05ന് കണ്ണൂരിലെത്തുന്ന വിമാനവും സർവീസ് നടത്തില്ല. കോഴിക്കോടുനിന്ന് തിങ്കളാഴ്ച രാവിലെ 7.40ന് പുറപ്പെട്ട് 10.20ന് കുവൈത്തിൽ എത്തുന്ന വിമാനവും തിരിച്ച് 11.20ന് കുവൈത്തിൽനിന്ന് പുറപ്പെട്ട് 6.45ന് കോഴിക്കോട്ട് എത്തുന്ന വിമാനവും റദ്ദാക്കി. ഈ ദിവസങ്ങളിൽ ടിക്കറ്റ് ബുക്ക് ചെയ്തവർക്ക് സൗജന്യമായി മറ്റൊരു ദിവസത്തേക്ക് ടിക്കറ്റ് മാറ്റാമെന്നും എയർ ഇന്ത്യ അറിയിച്ചു.
