NEWS 22 TRUTH . EQUALITY . FRATERNITY
Related Articles
ലോകത്ത് ആളുകൾ ഏറ്റവും കൂടുതൽ ഭയപ്പെടുന്ന ജീവികളിലൊന്നാണ് പാമ്പ്. പാമ്പുകളുടെ നിരവധി വീഡിയോകൾ സോഷ്യൽ മീഡിയയിൽ നിരന്തരം പ്രത്യക്ഷപ്പെടാറുണ്ട്. മിക്ക ആളുകൾക്കും ഇത് കാണാൻ വളരെ താൽപ്പര്യവുമുണ്ട്. ഇന്ത്യൻ ഫോറസ്റ്റ് സർവീസ് ഉദ്യോഗസ്ഥനായ സുശാന്ത നന്ദ വന്യജീവികളുമായി ബന്ധപ്പെട്ട നിരവധി വീഡിയോകൾ സോഷ്യൽ മീഡിയയിൽ പങ്കുവയ്ക്കാറുണ്ട്. അത്തരത്തിലൊരു വീഡിയോയാണിത്.
ഒരു രാജവെമ്പാലയുടെ വീഡിയോ ആണിത്. ഒരു രാജവെമ്പാലക്ക് ശരിക്ക് നിൽക്കാനും ഒരു മുതിർന്ന വ്യക്തിയുടെ കണ്ണുകളിലേക്ക് നേരെ നോക്കാനും സാധിക്കും ഇന്ന് വീഡിയോയുടെ അടിക്കുറിപ്പിൽ പറയുന്നു. വീഡിയോയിൽ കാണുന്ന പാമ്പ് തന്റെ ശരീരത്തിന്‍റെ മുക്കാൽ ഭാഗവും ഉയർത്തിയിരിക്കുകയാണ്.
തിങ്കളാഴ്ചയാണ് വീഡിയോ സോഷ്യൽ മീഡിയയിൽ പങ്ക് വച്ചത് 1.5 ലക്ഷത്തിലധികം ആളുകളാണ് ഇതുവരെ വീഡിയോ കണ്ടിട്ടുള്ളത്. ഈ വീഡിയോ മിക്ക ആളുകളെയും ഭയപ്പെടുത്തിയിട്ടുണ്ട്. ഭയപ്പെടുത്തുന്ന വീഡിയോയാണെന്നാണ് ഭൂരിഭാഗം പേരും കമന്റ് ചെയ്തത്. അവരിലൊരാൾ രസകരമായ രീതിയിൽ കമന്റ് ചെയ്തു, “എന്റെ മുന്നിലൊന്നും ഇതുപോലെ വന്ന് നിന്നേക്കരുത്” എന്നായിരുന്നു അത്.
വീഡിയോ ലിങ്ക് ചുവടെ:
The king cobra can literally "stand up" and look at a full-grown person in the eye. When confronted, they can lift up to a third of its body off the ground. pic.twitter.com/g93Iw2WzRo
— Susanta Nanda (@susantananda3) February 27, 2023
