NEWS 22 TRUTH . EQUALITY . FRATERNITY
Related Articles
ന്യൂസിലന്‍ഡിനെതിരായ ടെസ്റ്റ് പരമ്ബരയിലെ ആദ്യ ടെസ്റ്റില്‍ ഇന്ത്യക്ക് തകര്‍ച്ച. 55 ഓവര്‍ പിന്നിടുമ്പോള്‍ 122 റണ്‍സിന് അഞ്ച് വിക്കറ്റുകള്‍ നഷ്ടമായ നിലയിലാണ് ഇന്ത്യ.
38 റണ്‍സുമായി അജിന്‍ക്യ രഹാനെയും 10 റണ്‍സുമായി ഋഷഭ് പന്തുമാണ് ക്രീസില്‍. ചായക്ക് പിന്നാലെ മഴയെത്തിയതിനാല്‍ കളി നിര്‍ നിര്‍ത്തിവെച്ചിരിക്കുകയാണ്.
പേസര്‍മാരെ തുണക്കുന്ന പിച്ചില്‍ ന്യൂസിലന്‍ഡിന്‍റെ കൈല്‍ ജാമിസണും ടിം സൗതിയും ട്രന്‍റ് ബോള്‍ട്ടുമാണ് ഇന്ത്യയെ തകര്‍ച്ചയിലേക്ക് തള്ളിയിട്ടത്.
ജാമിസണ്‍ മൂന്ന് വിക്കറ്റുകള്‍ വീഴ്ത്തിയപ്പോള്‍ സൗതിയും ബോള്‍ട്ടും ഓരോ വിക്കറ്റുകള്‍ നേടി. നേരത്തെ 101 റണ്‍സെടുക്കുന്നതിനിടെയാണ് ഇന്ത്യക്ക് അഞ്ച് മുന്‍നിര വിക്കറ്റുകള്‍ നഷ്ടമായത്.
പൃഥ്വി ഷാ (16), മായങ്ക് അഗര്‍വാള്‍ (34), ചേതേശ്വര്‍ പുജാര(11), വിരാട് കോഹ്ലി (2), ഹനുമ വിഹാരി (7) എന്നിവര്‍ എളുപ്പം കൂടാരം കയറി.
