NEWS 22 TRUTH . EQUALITY . FRATERNITY
Related Articles
രാജ്യത്ത് ഒരാള്ക്കു കൂടി കൊറോണ വൈറസ് ബാധ സ്ഥിരീകരിച്ചതോടെ ഇന്ത്യയില് കോവിഡ്-19 ബാധിതരുടെ എണ്ണം 30 ആയി.
ബുധനാഴ്ച 22 പേര്ക്കാണ് പുതിയതായി ഇന്ത്യയില് കൊറോണ വൈറസ് ബാധ സ്ഥിരീകരിച്ചിരുന്നത്.
കൊറോണ ബാധിതര്ക്കായി ആഗ്രയില് പുതിയതായി ഒരു കേന്ദ്രം ആരംഭിച്ചതായി കേന്ദ്ര ആരോഗ്യ മന്ത്രി ഹര്ഷവര്ധന് ഇന്ന് രാജ്യസഭയില് പറഞ്ഞു.
പ്രധാനമന്ത്രി നരേന്ദ്ര മോദി നേരിട്ട് വിഷയം നിരീക്ഷിച്ചുവരുന്നതായി ആരോഗ്യ മന്ത്രി പറഞ്ഞു. കൂടാതെ കൊറോണ വ്യാപനവുമായി ബന്ധപ്പെട്ട സാഹചര്യം വിലയിരുത്തുന്നതിന് മന്ത്രിമാരുടെ ഒരു സംഘത്തെ നിയോഗിച്ചിട്ടുമുണ്ട്.
സംസ്ഥാനങ്ങളുമായി വീഡിയോ കോണ്ഫറന്സിങ് വഴി ബന്ധപ്പെട്ട് വിലയിരുത്തലുകള് നടത്തുന്നുണ്ടെന്നും മന്ത്രി പറഞ്ഞു.
