മുഖ്യമന്ത്രി പിണറായി വിജയന്റെ ഒരു സര്ട്ടിഫിക്കറ്റും തനിക്ക് ആവശ്യമില്ലെന്ന് കോണ്ഗ്രസ് നേതാവ് രമേശ് ചെന്നിത്തല. പ്രതിപക്ഷ ധര്മം നിര്വഹിച്ചു. സ്ഥാനം ഒഴിയാന് നേരത്തെ തീരുമാനിച്ചതാണെന്നും ചെന്നിത്തല വ്യക്തമാക്കി.
കെ.പി.സി.സിയിലെ അഴിച്ചുപണി സംബന്ധിച്ച് ഹൈക്കമാന്ഡ് തീരുമാനമെടുക്കും. വി.ഡി സതീശനെ പ്രതിപക്ഷ നേതാവായി തെരഞ്ഞെടുത്തതില് സന്തോഷമുണ്ട്. സതീശന് എല്ലാവിധ പിന്തുണയും നല്കും.
പ്രതിസന്ധിഘട്ടങ്ങളില് ശക്തമായി മുന്നോട്ട് നയിക്കാന് വി.ഡി സതീശന് കഴിയട്ടെയെന്നും അദ്ദേഹം പറഞ്ഞു. പ്രതിപക്ഷ നേതൃസ്ഥാനത്ത് നിന്ന് മാറ്റുന്നുവെന്ന വിവരം കോണ്ഗ്രസ് നേതാവ്
മല്ലികാര്ജുന് ഗാര്ഗെയാണ് അറിയിച്ചത്. ഹരിപ്പാട്ടെ ജനങ്ങള്ക്കൊപ്പം ഇനിയും നിലകൊള്ളുമെന്നും രമേശ് ചെന്നിത്തല വ്യക്തമാക്കി.