ഒന്നര മാസത്തിനിടെ ജില്ലയിലെ വിവിധ ഭാഗങ്ങളിലെ മത്സ്യ കടകളില്നിന്ന് ഭക്ഷ്യസുരക്ഷ വകുപ്പ് പിടികൂടി നശിപ്പിച്ചത് 108 കിലോ മത്സ്യം. പഴകിയതും രാസവസ്തുക്കള് ചേര്ത്തതുമായ മീനാണ് പിടിച്ചെടുത്ത് നശിപ്പിച്ചത്.
പിടികൂടിയവയില് 51 കിലോ മീനും അമോണിയയോ ഫോര്മാലിനോ പോലുള്ള രാസവസ്തുക്കള് ചേര്ത്തവയാണ്. ബാക്കി 57കിലോ കൃത്യമായി ഐസ് ഇടാത്തതിനാലും പഴകിയും മറ്റും ചീഞ്ഞ മീനാണ്.
സംസ്ഥാനത്ത് ട്രോളിങ് നിരോധനം ആരംഭിച്ചതിന് ശേഷമാണ് ഭക്ഷ്യസുരക്ഷ വകുപ്പിെന്റ നേതൃത്വത്തില് പ്രത്യേക സ്ക്വാഡ് രൂപവത്കരിച്ച് ജില്ലയിലെമ്ബാടും പരിശോധന നടത്തിയത്. കഴിഞ്ഞമാസം 15 മുതലാണ് പരിശോധന ആരംഭിച്ചത്.
തൊടുപുഴ, അടിമാലി, കുമളി, നെടുങ്കണ്ടം എന്നിവിടങ്ങളിലായി 65 മീന്കടകളിലാണ് പരിശോധന നടത്തിയത്. ആകെ 73 ഇനം മീനുകള് പരിശോധിച്ചു. മീനുകളില് രാസവസ്തു ഉപയോഗിച്ചിട്ടുണ്ടോയെന്നറിയാന് പേപ്പര് സ്ട്രിപ്പുകള് ഉപയോഗിച്ചാണ് പരിശോധന നടത്തിയത്. മീന് കേടുകൂടാതിരിക്കാന് അമോണിയ, ഫോര്മാലിന് എന്നീ രാസവസ്തുക്കളാണ് സാധാരണ ചേര്ക്കുന്നത്. ഇതു കണ്ടെത്താനാണ് സ്ട്രിപ്പ് ഉപയോഗിക്കുന്നത്. പരിശോധനയില് മൊത്തക്കച്ചവടക്കാരാണ് മീനുകളില് രാസവസ്തുക്കള് ചേര്ക്കുന്നതെന്നാണ് മനസ്സിലാക്കിയത്. പഴകിയ മീന് പിടികൂടിയ കടകള്ക്കെല്ലാം നോട്ടീസ് നല്കിയിരുന്നു. ജില്ല ഫുഡ് സേഫ്റ്റി ഓഫിസര് കെ.പി. രമേശിെന്റയും ജില്ല ഫിഷറീസ് അസി. ഡയറക്ടര് കണ്ണെന്റയും നേതൃത്വത്തില് നാല് സ്ക്വാഡായി തിരിഞ്ഞായിരുന്നു പരിശോധന. ഫുഡ് സേഫ്റ്റി ഓഫിസര് ബൈജു പി.ജോസഫ്, എം.എന്. ഷംസിയ, ആന്മേരി ജോണ്സണ്, എസ്. പ്രശാന്ത് എന്നിവരാണ് പരിശോധനകള് നടത്തിയത്.