NEWS 22 TRUTH . EQUALITY . FRATERNITY
Related Articles
മുല്ലപ്പെരിയാര് ഡാമില് ജലനിരപ്പ് 142 അടിയായി. ഇതോടെ ഷട്ടര് 30 സെന്റിമീറ്റര് ഉയര്ത്തി 420 ഘനയടി വെള്ളമാണ് പുറത്തേക്ക് ഒഴുക്കുന്നത്. 700 ഘനയടി വെള്ളമാണ് തമിഴ്നാട് കൊണ്ടുപോകുന്നത്. ഡാം ഷട്ടര് തമിഴ്നാട് ഉയര്ത്തിയ സാഹചര്യത്തില് പെരിയാര് തീരത്ത് ജാഗ്രതാ നിര്ദേശം നല്കി. ഡാമിന്റെ വൃഷ്ടി പ്രദേശത്ത് കഴിഞ്ഞ ദിവസമുണ്ടായ കനത്ത മഴയാണ് ജലനിരപ്പ് ഉയരാന് കാരണം. ഡാമിലേക്കുള്ള നീരൊഴുക്ക് ശക്തമല്ല. അതേസമയം മുല്ലപ്പെരിയാര് അണക്കെട്ടില് നിന്ന് മുന്നറിയിപ്പില്ലാതെ വെള്ളം തുറന്നുവിടുന്നത് തടയണമെന്ന് ആവശ്യപ്പെട്ട് കേരളം നല്കിയ അപേക്ഷക്ക് തമിഴ്നാട് സര്ക്കാര് ഇന്ന് മറുപടി സത്യവാംങ്മൂലം നല്കിയേക്കും.
