NEWS 22 TRUTH . EQUALITY . FRATERNITY
Related Articles
സംസ്ഥാനത്ത് നാലുപേര്ക്കുകൂടി ഒമിക്രോണ് സ്ഥിരീകരിച്ചു. നാലുപേരും തിരുവനന്തപുരം ജില്ലക്കാരാണ്. ഇതോടെ, സംസ്ഥാനത്ത് ആകെ ഒമിക്രോണ് ബാധിതര് 15 ആയി. കഴിഞ്ഞ ദിവസം ഒമിക്രോണ് സ്ഥിരീകരിച്ച 17 കാരനോടൊപ്പം യു.കെയില് നിന്നെത്തിയ മാതാവ് (41), പ്രാഥമിക സമ്ബര്ക്ക പട്ടികയിലെ അമ്മൂമ്മ (67),
യു.കെയില് നിന്നെത്തിയ യുവതി (27), നൈജീരിയയില് നിന്നെത്തിയ യുവാവ് (32) എന്നിവര്ക്കാണ് പുതുതായി വൈറസ് ബാധ സ്ഥിരീകരിച്ചത്. യുവതി വിമാനത്തിലെ സമ്ബര്ക്കപ്പട്ടികയിലുള്ളയാളാണ്. ഇവര് ഡിസംബര് 12നാണ് തിരുവനന്തപുരത്തെത്തിയത്. ക്വാറന്റീനിലായ ഇവരെ 16ന് പരിശോധിച്ചപ്പോഴാണ് കോവിഡ് പോസിറ്റിവായത്.
യുവാവ് ഡിസംബര് 17നാണ് നൈജീരിയയില്നിന്നെത്തിയത്. വിമാനത്താവളത്തിലെ പരിശോധനയില് കോവിഡ് സ്ഥിരീകരിച്ചതിനെ തുടര്ന്ന് ആശുപത്രിയില് പ്രത്യേക വാര്ഡില് പ്രവേശിപ്പിച്ചു. രാജീവ് ഗാന്ധി സെന്റര് ഫോര് ബയോടെക്നോളജിയില് അയച്ച സാമ്ബിളുകളുടെ പരിശോധന ഫലത്തിലാണ് ഇവര്ക്ക് ഒമിക്രോണ് സ്ഥിരീകരിച്ചത്.
