NEWS 22 TRUTH . EQUALITY . FRATERNITY
Related Articles
ന്യൂസീലന്‍ഡിനെതിരായ ആദ്യ ഏകദിനത്തില്‍ ഇന്ത്യ അടിച്ചുകൂട്ടിയത് 347 റണ്സ്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് ശ്രേയസ് അയ്യരുടെ കന്നി ഏകദിന സെഞ്ചുറിയാണ് വമ്പന്‍ സ്കോറിലേക്ക് ഇന്ത്യയെ നയിച്ചത്.
കൂടാതെ ലോകേഷ് രാഹുല്‍, ക്യാപ്റ്റന്‍ വിരാട് കോലി എന്നിവരുടെ അര്‍ധസെ‍ഞ്ചുറികളുടെയും കരുത്തില്‍ നിശ്ചിത 50 ഓവറില്‍ നാലു വിക്കറ്റ് നഷ്ടത്തിലാണ് ഇന്ത്യ 347 റണ്‍സെടുത്തത്.
അയ്യര്‍ 107 പന്തില്‍ 11 ഫോറും ഒരു സിക്സും സഹിതം 102 റണ്‍സെടുത്തപ്പോള്‍ കോലി 63 പന്തില്‍ ആറു ഫോറുകള്‍ സഹിതം 51 റണ്‍സെടുത്ത് പുറത്തായി.
രാഹുല്‍ 64 പന്തില്‍ മൂന്നു ഫോറും ആറു സിക്സും സഹിതം 88 റണ്‍സുമായി പുറത്താകാതെ നിന്നു. 41 പന്തില്‍ നാലു സിക്സുകളുടെ അകമ്പടിയോടെയാണ് രാഹുല്‍ ഏഴാം ഏകദിന അര്ധസെഞ്ചുറി കുറിച്ചത്.
61 പന്തില്‍ ആറു ഫോറുകള്‍ സഹിതമാണ് കോലിയുടെ 58-ാം ഏകദിന അര്ധസെഞ്ചുറി. അവസാന ഓവറുകളില്‍ തകര്‍ത്തടിച്ച കേദാര്‍ ജാദവിന്റെ ഇന്നിങ്‌സാണ്‌ ഇന്ത്യന്‍ സ്കോര്‍ 350ന് അടുത്തെത്താന്‍ നിര്‍ണ്ണായകമായത്‌. ന്യൂസീലന്‍ഡിനായി ടിം സൗത്തി രണ്ടു വിക്കറ്റ് വീഴ്ത്തി. മറുപടി ബാറ്റിങ്ങിനിറങ്ങിയ ന്യൂസിലന്‍ഡ്‌ വിക്കറ്റ് നഷ്ട്ടപ്പെടാതെ 40 റണ്സ് എടുത്തിട്ടുണ്ട്.
