NEWS 22 TRUTH . EQUALITY . FRATERNITY
Related Articles
സിനിമാ ഷൂട്ടിംഗ് ലൊക്കേഷനില്‍നിന്ന് ഭക്ഷണം കവര്‍ന്നു. കാറിലെത്തിയ നാലംഗസംഘമാണ് ഭക്ഷണവുമായി കടന്നുകളഞ്ഞത്. വ്യാഴാഴ്ച രാത്രി പത്തോടെ കാഞ്ഞിലേരിയിലായിരുന്നു സംഭവം നടന്നത്.
നിവിന്‍ പോളി നായകനായ പടവെട്ട് സിനിമയുടെ ഷൂട്ടിംഗിനിടെയാണ് സംഭവം. സിനിമ ചിത്രീകരിക്കുന്നതിനിടയില്‍ അഭിനേതാക്കള്‍ക്കും അണിയറപ്രവര്‍ത്തകര്‍ക്കും കഴിക്കാന്‍ വച്ച ചിക്കനും പൊറോട്ടയുമാണ് മോഷണം പോയത്.
80 പേര്‍ക്കുള്ള ഭക്ഷണമാണ് കാറിലെത്തിയ നാലംഗസംഘം എടുത്തുകൊണ്ടുപോയത്. ഇവര്‍ ഭക്ഷണം കവരുന്നത് സമീപവാസിയായ യുവാവ് മൊബൈല്‍ കാമറയില്‍ പകര്‍ത്തിയിരുന്നു.
ഇതുകണ്ട നാലംഗ സംഘം യുവാവിനെ മര്‍ദിച്ചു. പരിക്കേറ്റ യുവാവിനെ കൂത്തുപറമ്പ് ഗവണ്മെന്റ് ആശുപത്രിയില്‍ ചികിത്സയിലാണ്. സംഭവത്തെക്കുറിച്ച്‌ പോലീസ് അന്വേഷണം ആരംഭിച്ചിട്ടുണ്ട്.
