തമിഴിലും തെലുങ്കിലുമടക്കം മുന്നിര നായികപദവിയില് 15 വര്ഷമായി തിളങ്ങി നിൽക്കുന്ന താരമാണ് തമന്ന ഭാട്ടിയ. ബാഹുബലിയിലെ അവന്തിക എന്ന കഥാപാത്രം അഭിനയജീവിതത്തില് തമന്നയ്ക്ക് നല്കിയ മൈലേജും ചെറുതായിരുന്നില്ല.
തെന്നിന്ത്യയിലെ മിക്ക ഭാഷകളിലും അഭിനയിച്ചെങ്കിലും മലയാളത്തിലേക്ക് വരാന് താരത്തിന് കഴിഞ്ഞിട്ടല്ല. അവസരങ്ങള് നിരവധി തേടിയെത്തിയതാണെങ്കിലും തിരക്ക് കാരണം പലതും നിരസിക്കേണ്ടിവന്നുവെന്ന് തമന്ന പറയുന്നു.
എന്നാല് അതില് ഏറ്റവും പ്രധാനപ്പെട്ടതും, ഇന്നുംതനിക്ക് ഏറെ വിഷമമുള്ളതും കമ്മാരസംഭവം എന്ന ദിലീപ് ചിത്രം നിരസിക്കേണ്ടി വന്നതിലാണെന്ന് നടി വെളിപ്പെടുത്തി.
നല്ല കഥ, കഥാപാത്രം, സംവിധായകന് എന്നിവ ഒത്തുവന്നാല് മലയാളത്തില് അഭിനയിക്കണമെന്നത് എന്റെ ആഗ്രഹമാണ്. ഇന്ത്യന് സിനിമയില് തന്നെ മലയാള ചിത്രങ്ങള്ക്ക് ഒരു പ്രത്യേക സ്ഥാനം ഉണ്ട്.
എപ്പോഴും നിറയെ അവാര്ഡുകള് വാരിക്കൂട്ടുന്നത് മലയാള ചിത്രങ്ങളാണ്. മലയാളത്തിലെ ഇപ്പോഴത്തെ പ്രഗല്ഭ നടന്മാരായ മോഹന്ലാല്, മമ്മൂട്ടി, ജയറാം, ദിലീപ്, സുരേഷ് ഗോപി, പുതിയ തലമുറയിലെ ഹീറോകളായ പൃഥ്വിരാജ്, ദുല്ഖര് സല്മാന്, ഫഹദ് ഫാസില്, ജയസൂര്യ, നിവിന് തുടങ്ങിയവരുടെ കൂടെയൊക്കെ വര്ക്ക് ചെയ്യണമെന്നത് എന്റെ ആഗ്രഹമാണ്.
സൗത്ത് ഇന്ത്യന് സിനിമയില് തന്നെ കഥകള്ക്കും കഥാപാത്രങ്ങള്ക്കും പ്രാമുഖ്യം കൊടുത്ത് സിനിമയെടുക്കുന്നത് കൂടുതലും മലയാളത്തിലാണ്. നല്ല അവസരം വരാന് കാത്തിരിക്കുകയാണെന്ന് താരം കൂട്ടിച്ചേർത്തു.