NEWS 22 TRUTH . EQUALITY . FRATERNITY
Related Articles
തന്റെ ജീവിത സാഹചര്യത്തെ പരിഹസിച്ച എ.എം ആരിഫ് എം.പിയ്ക്കു മറുപടിയുമായി കായംകുളത്തെ യുഡിഎഫ് സ്ഥാനാര്ഥി അരിതാ ബാബു. പരാമര്ശം വേദനാജനകമെന്ന് അരിതാ ബാബു പ്രതികരിച്ചു.
മത്സരിക്കുന്നത് പാല് സൊസൈറ്റിയിലേക്കല്ലെന്ന എ.എം ആരിഫ് എം.പിയുടെ പരിഹാസം കേട്ടപ്പോള് സങ്കടം തോന്നി, എം.എം ആരിഫിന്റെ പരിഹാസം തൊഴിലാളികളെ അപമാനിക്കുന്നതാണ്.
ഒരു ജനപ്രതിനിധിയുടെ നാവില് നിന്ന് ഇത്തരം പരാമര്ശമുണ്ടായത് വേദനാജനകമെന്നും അരിത പറഞ്ഞു. ക്ഷീര കര്ഷകയായ അരിത ബാബു സംസ്ഥാനത്തെ ഏറ്റവും പ്രായം കുറഞ്ഞ വനിത സ്ഥാനാര്ഥിയാണ്.
എല്.ഡി.എഫിന്റെ തെരഞ്ഞെടുപ്പ് പ്രചരണ യോഗത്തിലാണ് എ.എം ആരിഫ് എം.പി ഇവര്ക്കെതിരെ പരിഹാസം ചൊരിഞ്ഞത്. അരിത പാല് സൊസൈറ്റിയിലേക്കല്ല മല്സരിക്കുന്നതെന്ന് ഓര്ക്കണമെന്നായിരുന്നു ആരിഫ് വാക്കുകള്.
ഇത് പാല് സൊസൈറ്റിയിലേക്കുള്ള തിരഞ്ഞെടുപ്പല്ല, പ്രാരാബ്ദമാണ് മാനദണ്ഡമെങ്കില് അതു പറയണമെന്നുമാണ് എഎം ആരിഫ് പ്രസംഗിക്കുന്നത്. കയ്യടിയോടെ ഈ പരിഹാസം ആസ്വദിക്കുന്നവരെയും കാണാം.
