ഇപ്പോള് ലോകത്ത് ഏറ്റവുമധികം ആരാധകരെ നേടിയ ഫ്രാഞ്ചൈസികളില് ഒന്നായി മാറിയിരിക്കുകയാണ് സ്പാനിഷ് ഹെയ്സ്റ്റ് ക്രൈം ഡ്രാമ ‘മണി ഹെയ്സ്റ്റ്’. ‘ലാ കാസ ഡേ പാപ്പല്’ എന്ന് സ്പാനിഷ് പേരുള്ള സിരീസ്.
നാല് സീസണുകള് ഇതിനകം പൂര്ത്തിയാക്കിയ സിരീസിന്റെ അഞ്ചാമത്തേതും അവസാനത്തേതുമായ സീസണിന് കാത്തിരിക്കുകയാണ് ലോക ആരാധകര്. അഞ്ചാം സീസണിന്റെ റിലീസ് തീയതി മെയ് 24ന് പ്രഖ്യാപിച്ചിരുന്നു.
ഇപ്പോള് ഇതാ ട്രെയ്ലര് റിലീസ് തീയതിയും പ്രഖ്യാപിച്ചിരിക്കുകയാണ് അണിയറക്കാര്. ഓഗസ്റ്റ് 2ന് ട്രെയ്ലര് എത്തും. അഞ്ച് എപ്പിസോഡുകള് വീതമുള്ള രണ്ട് ഭാഗങ്ങളായാണ് സീസണ് 5 പ്രേക്ഷകരിലേക്ക് എത്തുക.
ആദ്യഭാഗം സെപ്റ്റംബര് ഒന്നിനും രണ്ടാംഭാഗം ഡിസംബര് 3നും. സ്പാനിഷ് നെറ്റ്വര്ക്ക് ആയ ആന്റിന 3യില് 15 എപ്പിസോഡുകള് ഉള്ള ലിമിറ്റഡ് സിരീസ് ആയി സംപ്രേഷണം ആരംഭിച്ച ലാ കാസ ഡേ പാപ്പലിന്റെ ആഗോള അവകാശം പിന്നീട് നെറ്റ്ഫ്ളിക്സ് ഏറ്റെടുക്കുകയായിരിന്നു .