NEWS 22 TRUTH . EQUALITY . FRATERNITY
Related Articles
സംസ്ഥാനത്ത് കൊവിഡ് വ്യാപനവുമായി ബന്ധപ്പെട്ട് മൂന്നാഴ്ച നിര്ണായകമാണെന്ന് ആരോഗ്യ മന്ത്രി വീണാ ജോര്ജ്. രണ്ട് മൂന്നാഴ്ച ഏറെ ജാഗ്രത പാലിക്കണം. ആള്ക്കൂട്ടം പരമാവധി ഒഴിവാക്കണം.
വീട്ടിലെ ചടങ്ങുകളില് പരമാവധി ആളുകളുടെ എണ്ണം കുറയ്ക്കണം. കേന്ദ്ര സംഘം ഇന്ന് വൈകുന്നേരം സംസ്ഥാനത്ത് വരുമെന്നറിയിച്ചിട്ടുണ്ടെന്നും മന്ത്രി വ്യക്തമാക്കി. സംസ്ഥാനത്ത് ബാധിച്ചിരിക്കുന്നത് ഡെല്റ്റാ വൈറസാണ്.
രോഗികളുടെ എണ്ണം കൂടുന്നെങ്കിലും ഐസിയുവിലും വെന്റിലേറ്ററിലും കഴിയുന്നവരുടെ എണ്ണം കുറഞ്ഞ് വരികയാണ്. രണ്ടാം തരംഗത്തില് കുതിച്ചുയരാമായിരുന്ന ടിപിആറിനെ വളരെ ദിവസം 10 ശതമാനത്തില് തന്നെ നിര്ത്തിയിരുന്നു.
ഇപ്പോള് ടിപിആര് ചെറുതായി ഉയര്ന്നെങ്കിലും ആശങ്ക വേണ്ട. ഏപ്രില് പകുതിയോടെയാണ് രണ്ടാം തരംഗം ഇവിടെ ആരംഭിച്ചത്. മേയ് മാസത്തിലാണ് 43,000 ലധികം രോഗികളുണ്ടായത്. ഏറ്റവും പുതിയ സിറോ സര്വയലന്സ്
സര്വേയില് കേരളത്തില് 42 ശതമാനം പേര്ക്കാണ് ആന്റിബോഡി കണ്ടെത്തിയത്. ഇനിയും 50 ശതമാനത്തിലധികം പേര്ക്ക് രോഗം വരാന് സാധ്യതയുണ്ട്. അവരെ സുരക്ഷിതമാക്കാന് പരമാവധി പേര്ക്ക് വാക്സിന്
നല്കാന് ശ്രമിക്കുകയാണ് കേരളം. ബുധനാഴ്ച സംസ്ഥാനത്ത് ഏറ്റവും ഉയര്ന്ന പരിശോധനയാണ് നടന്നത്. 1,96,902 സാമ്ബിളുകളാണ് പരിശോധിച്ചത്. അതേസമയം ടെസ്റ്റ് പോസിറ്റിവിറ്റി നിരക്ക് 11.2 മാത്രമാണുള്ളത്.
ഇന്നലെ 1,63,098 സാമ്ബിളുകള് പരിശോധിച്ചു. ടെസ്റ്റ് പോസിറ്റിവിറ്റി നിരക്ക് 13.53 ആണ്. പോസിറ്റീവായ ഒരാളെപ്പോലും വിട്ടുപോകാതിരിക്കാനാണ് ശ്രമിക്കുന്നതെന്നും മന്ത്രി പറഞ്ഞു.
