Breaking News

അഞ്ചാം മെഡല്‍; ഗോദയില്‍ വെള്ളി മെഡല്‍ നേടി രവികുമാര്‍ ദാഹിയ; കലാശ പോരാട്ടത്തില്‍ ഇന്ത്യന്‍ ഫയല്‍വാൻ പൊരുതി തോറ്റത് റഷ്യാക്കാരന്റെ മുന്നിൽ…

ഹോക്കിയില്‍ വെങ്കലം, പിന്നാലെ ഗോദയില്‍ വെള്ളിയുംം. ഇന്ത്യയുടെ ഫയല്‍വാനായ രവി കുമാര്‍ ദാഹിയയാണ് വെള്ളി മെഡല്‍ നേടിയത്. പുരുഷന്മാരുടെ 57 കിലോ ഫ്രീസ്റ്റൈല്‍ വിഭാഗത്തിലാണ് നേട്ടം.

കലാശപ്പോരാട്ടത്തില്‍ രണ്ടു തവണ ലോക ചാംപ്യനായ റഷ്യന്‍ താരം സാവുര്‍ ഉഗ്വേവിനോട് രവികുമാര്‍ പരാജയപ്പെട്ടു. 7-4 എന്ന സ്‌കോറിനായിരുന്നു രവികുമാറിന്റെ തോല്‍വി. സുശീല്‍ കുമാറിന് ശേഷം ഫൈനലിലെത്തുന്ന ആദ്യ ഇന്ത്യന്‍ ഗുസ്തി താരമാണ് രവി കുമാര്‍.

ഈ ഒളിമ്ബിക്സിലെ ഇന്ത്യയുടെ രണ്ടാം വെള്ളിയാണ് ഇത്. അഞ്ചാം മെഡലും. പവര്‍ ലിഫ്റ്റിംഗില്‍ മീരാഭായി ചാനു വെള്ളി നേടി. ബോക്സിംഗില്‍ ലവ്ലീനയും ഷട്ടിലില്‍ പിവി സിന്ധുവും വെങ്കലവും നേടി.

ഹോക്കി പുരുഷ ടീം മൂന്നാം സ്ഥാനത്ത് എത്തി മെഡലുമായി മടങ്ങി. രവികുമാറിനും കലാശപോരിലെ സമ്മര്‍ദ്ദം അതിജീവിച്ച്‌ സ്വര്‍ണം നേടാനായില്ല. ഒളിമ്ബിക് ഗുസ്തിയില്‍ രവികുമാര്‍ ദാഹിയ വെള്ളിമെഡല്‍ നേട്ടവുമായി

അഭിമാന താരമായി മാറിയപ്പോല്‍ മറ്റൊരു മെഡല്‍ പ്രതീക്ഷയായിരുന്ന ദീപക് പുനിയ പൊരുതി കീഴടങ്ങി. 86 കിലോ വിഭാഗത്തില്‍ വെങ്കല മെഡലിനായുള്ള പോരാട്ടത്തില്‍ അവസാന നിമിഷം വരെ പൊരുതിയാണ് സാന്‍ മരിനോയുടെ മൈലെസ്

നാസെം അമിനോട് ഇന്ത്യന്‍ താരം പരാജയപ്പെട്ടത്. മത്സരത്തില്‍ മുന്നിട്ടു നിന്ന ദീപക്കിനെതിരേ അവസാന 10 സെക്കന്‍ഡിനിടയിലെ നീക്കത്തില്‍ മൈലെസ് നാസെം മുന്നിലെത്തുകയായിരുന്നു. നേരത്തെ സെമിയില്‍ അമേരിക്കയുടെ

ഡേവിഡ് മോറിസ് ടെയ്‌ലറോട് തോറ്റാണ് ദീപക്കിന് ഫൈനലിന് യോഗ്യത നേടാനാകാതെ പോയത്. നൈജീരിയയുടെ അഗിയാവോമോര്‍ എക്കെരെകെമെയെ 12-1 എന്ന സ്‌കോറിന് മറികടന്നാണ് ദീപക് ക്വാര്‍ട്ടറിലെത്തിയത്. പിന്നാലെ നടന്ന മത്സരത്തില്‍ ചൈനയുടെ സുഷെന്‍ ലിന്നിനെ 6-3ന് തോല്‍പ്പിച്ചാണ് ദീപക് സെമിയിലേക്ക് മുന്നേറിയത്.

About NEWS22 EDITOR

Check Also

തരിശുനിലങ്ങളിൽ കുട്ടനാടൻ മോഡലിൽ വിളഞ്ഞത് നൂറുമേനി.

പുത്തൂർ പവിത്രേശ്വരം പഞ്ചായത്തിൽ വർഷങ്ങളായി തരിശായി കിടന്ന ഏക്കർ കണക്കിന് ഏലയിൽ നടത്തിയ നെൽകൃഷി നൂറുമേനി വിളവെടുത്തു .ഉത്സവം നാടിന് …