NEWS 22 TRUTH . EQUALITY . FRATERNITY
Related Articles
ഉത്തര്‍പ്രദേശില്‍ നഗരങ്ങളുടെ പേരുമാറ്റം തകൃതിയില്‍ പുരോഗമിക്കുന്നു .
മിയാഗഞ്ച്, അലിഗഢ് നഗരങ്ങള്‍ക്ക് പിന്നാലെ സുല്‍ത്താന്‍പൂരിന്‍റെയും പേരുമാറ്റാനൊരുങ്ങുകയാണ് യോഗി സര്‍ക്കാര്‍. സുല്‍ത്താന്‍പൂരിനെ ‘കുശ് ഭവന്‍പുര്‍’ എന്ന പേരിലാക്കാനാണ് നീക്കം.മുന്‍ കേന്ദ്രമന്ത്രി മനേക ഗാന്ധിയുടെ ലോക്സഭ മണ്ഡലമാണ് സുല്‍ത്താന്‍പൂര്‍.
പുരാണത്തിലെ രാമന്‍റെ പുത്രന്‍റെ പേരാണ് കുശന്‍. പേരുമാറ്റം സംബന്ധിച്ച്‌ നിര്‍ദേശം സംസ്ഥാന സര്‍ക്കാറിന് അയച്ചിട്ടുണ്ടെന്നും മന്ത്രിസഭ അംഗീകാരത്തിനായി കാത്തിരിക്കുകയാണെന്നും റവന്യൂ ബോര്‍ഡിലെ മുതിര്‍ന്ന ഉദ്യോഗസ്ഥന്‍ അറിയിച്ചു.
അതെ സമയം ലാംഭുവയിലെ (സുല്‍ത്താന്‍പൂര്‍) എം.എല്‍.എയായ ദേവമണി ദ്വിവേദി നിയമസഭയില്‍ പേരുമാറ്റ വിഷയം ഉന്നയിച്ചിരുന്നു. പേരുമാറ്റം അഗീകരിച്ചാല്‍ യു.പിയില്‍ യോഗി ഭരണകൂടം പേരുമാറ്റുന്ന മൂന്നാമത്തെ നഗരമാകും സുല്‍ത്താന്‍പൂര്‍. നേരത്തേ, അലഹാബാദിനെ പ്രയാഗ്രാജെന്നും ഫൈസാബാദിനെ അയോധ്യയെന്നും മാറ്റിയിരുന്നു.
