NEWS 22 TRUTH . EQUALITY . FRATERNITY
Related Articles
സി.പി.എം-ബി.ജെ.പി ബന്ധം യു.ഡി.എഫ് നേരത്തെ സൂചിപ്പിച്ചതാണെന്ന് കോണ്‍ഗ്രസ് നേതാവ് കെ. മുരളീധരന്‍ എം.പി. പൊലീസില്‍ ആര്‍.എസ്.എസ് വിഭാഗം എന്ന ആനി രാജയുടെ വിമര്‍ശനം ഇതിന് തെളിവാണ്. നിയമസഭ തെരഞ്ഞെടുപ്പില്‍ ബി.ജെ.പി വോട്ട് വാങ്ങിയാണ് എല്‍.ഡി.എഫ് വിജയിച്ചതെന്ന ആരോപണത്തിന് ആനിരാജയുടെ പ്രസ്താവന അടിവരയിടുന്നുവെന്നും മുരളീധരന്‍ പറഞ്ഞു.
പൊലീസിലെ ആര്‍.എസ്.എസ് ഫ്രാക്ഷനാണ് സ്ത്രീകളെയും കുഞ്ഞുങ്ങളെയും ദ്രോഹിക്കുന്നത്. സംസ്ഥാനത്ത് ബാലപീഡനം നടത്താന്‍ നേതൃത്വം നല്‍കുന്നത് കേരളാ പൊലീസ് ആണെന്നും മുരളീധരന്‍ പറഞ്ഞു.
കോവിഡ് പ്രതിരോധ കാര്യത്തില്‍ ആരോഗ്യ മന്ത്രിക്ക് ഒരു വ്യക്തതയും ഇല്ലെന്ന് മുരളീധരന്‍ പറഞ്ഞു. വാര്‍ത്തകള്‍ നോക്കി വായിച്ച ശീലംവെച്ച്‌ ഉദ്യോഗസ്ഥര്‍ എഴുതി നല്‍കുന്നത് വാ‍യിക്കുക മാത്രമാണ് മന്ത്രി ചെയ്യുന്നതെന്നും മുരളീധരന്‍ പരിഹസിച്ചു.
