NEWS 22 TRUTH . EQUALITY . FRATERNITY
Related Articles
തെരുവുനായ്ക്കള്‍ കൂട്ടം ചേര്‍ന്ന് ആക്രമിച്ച്‌ ഒമ്ബത് ആടിനെ കൊന്നൊടുക്കി. പട്ടിമറ്റം ഗോകുലം പബ്ലിക് സ്കൂളിനടുത്തെ മലയില്‍ കെട്ടിയിരുന്നവയെയാണ് വ്യാഴാഴ്ച വൈകീട്ട് നാലിനുശേഷം ആക്രമിച്ചത്. ഗോകുലം സ്കൂളില്‍ കളിക്കാനെത്തിയ കുട്ടികള്‍ ആടുകളുടെ കരച്ചില്‍ കേട്ടെത്തുമ്ബോഴാണ് സംഭവം അറിഞ്ഞത്.
പട്ടിമറ്റം സ്വദേശി മങ്കലത്ത് രാജന്‍റെ ഒമ്ബത് ആടിനെയും എടത്തുംകുടി അലിയാരുടെ ഒരാടിനെയുമാണ് കടിച്ചത്. അലിയാരുടെ ആടിന് പരിക്കുണ്ട്. രാജന്‍റെ 14ല്‍ അഞ്ച് ആട് അല്‍പം മാറി നിന്നതിനാല്‍ കടിയേറ്റില്ല. ചത്ത ആടുകളുടെ വയറ്റത്തും അകിടിലുമാണ് കടിയേറ്റത്. ട്യൂട്ടോറിയല്‍ കോളജ് അധ്യാപകനായിരുന്ന രാജന്‍റെ ഏക വരുമാനമാര്‍ഗമായിരുന്നു ആടുകള്‍.
നായ്ക്കള്‍ കൊന്ന ആടുകളില്‍ മൂന്നെണ്ണം ഗര്‍ഭിണിയായിരുന്നു. പട്ടിമറ്റം ടൗണ്‍ തെരുവുനായ്ക്കളുടെ വിഹാരകേന്ദ്രമാണ്. രാത്രി ജങ്ഷനിലെ റോഡുകളിലാണ് ഇവയുടെ വാസം. നായ്ക്കളെ പിടികൂടി വളര്‍ത്തുമൃഗങ്ങളുടെ സുരക്ഷയൊരുക്കണമെന്ന നാട്ടുകാരുടെ ആവശ്യത്തിന് നാളുകളുടെ പഴക്കമുണ്ട്.
