സ്കൂളില് വിദ്യാര്ഥിയെ ചുംബിച്ച അധ്യാപികയ്ക്കെതിരേ വിദ്യാഭ്യാസവകുപ്പ് അന്വേഷണത്തിന് ഉത്തരവിട്ടു. മൈസൂരു ജില്ലയിലെ സര്ക്കാര് സ്കൂളിലാണ് സംഭവം. ആളൊഴിഞ്ഞ മുറിയിലാണ് അധ്യാപികയും വിദ്യാര്ഥിയും ചുംബിച്ചത്. ഇതിന്റെ വീഡിയോ ദൃശ്യങ്ങള് മറ്റൊരു വിദ്യാര്ഥി പകര്ത്തി.
പിന്നീട് സാമൂഹികമാധ്യമത്തിലൂടെ ഇത് പ്രചരിച്ചതോടെയാണ് സംഭവം പുറത്തറിഞ്ഞത്. ഇതോടെ നാട്ടുകാര് അധ്യാപികയ്ക്കെതിരേ സ്കൂള് അധികൃതര്ക്ക് പരാതി നല്കി. തുടര്ന്നാണ് വിദ്യാഭ്യാസവകുപ്പ് അന്വേഷണത്തിന് ഉത്തരവിട്ടത്. അധ്യാപികയെ തിരിച്ചറിഞ്ഞിട്ടുണ്ടെന്ന് ബ്ലോക്ക് വിദ്യാഭ്യാസ ഓഫീസര് പറഞ്ഞു. വിദ്യാര്ഥിയെ തിരിച്ചറിഞ്ഞിട്ടില്ല.