NEWS 22 TRUTH . EQUALITY . FRATERNITY
Related Articles
സംസ്ഥാനത്ത് വരും ദിവസങ്ങളില് മഴ ശക്തിപ്രാപിക്കുമെന്ന മുന്നറിയിപ്പിൻ്റെ അടിസ്ഥാനത്തില് ഏത് അടിയന്തര സാഹചര്യവും നേരിടാന് തയാറായിരിക്കാന് സംസ്ഥാന പൊലീസ് മേധാവി അനില്കാന്ത് പൊലീസ് ഉദ്യോഗസ്ഥര്ക്ക് നിര്ദേശം നല്കി. കനത്ത മഴയില് മണ്ണിടിച്ചില് ഉള്പ്പെടെ സംഭവിക്കാന് സാധ്യതയുള്ളതിനാല്
എല്ലാ പൊലീസ് സ്റ്റേഷനിലും ദുരന്തനിവാരണ സംഘങ്ങളെ സജ്ജമാക്കി. അടിയന്തര രക്ഷാപ്രവര്ത്തനത്തിന് എക്സ്കവേറ്റര്, ബോട്ടുകള് ഉള്പ്പെടെ സംവിധാനങ്ങള് ക്രമീകരിക്കും. എല്ലാ കോസ്റ്റല് പൊലീസ് സ്റ്റേഷനുകള്ക്കും പ്രത്യേക ജാഗ്രതാനിര്ദേശം നല്കി. താഴ്ന്ന പ്രദേശങ്ങളില് താമസിക്കുന്നവരുടെ സുരക്ഷ ഉറപ്പാക്കും. ദുരിതാശ്വാസ പ്രവര്ത്തനങ്ങളില് പൊലീസ് ജനങ്ങള്ക്കൊപ്പമുണ്ടെന്ന് ഡി.ജി.പി അറിയിച്ചു.
