NEWS 22 TRUTH . EQUALITY . FRATERNITY
Related Articles
ക്രിപ്റ്റോകറന്‍സികള്‍ നിയന്ത്രിക്കാന്‍ ബില്‍ കൊണ്ടു വരുമെന്ന കേന്ദ്രസര്‍ക്കാര്‍ പ്രഖ്യാപനത്തിന് പിന്നാലെ ഡിജിറ്റല്‍ കറന്‍സികള്‍ക്ക് വിലയിടിവ്. എല്ലാ പ്രധാന കറന്‍സികളുടേയും വില 15 ശതമാനം ഇടിഞ്ഞു. ബിറ്റ്കോയിന്‍ 18.53 ശതമാനമാണ് ഇടിഞ്ഞത്. എതിറിയം 15.58 ശതമാനവും ടെതര്‍ 18.29 ശതമാനവും ഇടിഞ്ഞു. ക്രിപ്റ്റോ കറന്‍സികളെ കുറിച്ചുള്ള വാര്‍ത്തകള്‍ നല്‍കുന്ന കോയിന്‍ഡെസ്കിന്‍റെ റിപ്പോര്‍ട്ടനുസരിച്ച്‌ ബിറ്റ്കോയിന്‍ മൂല്യം 55,460.96 ഡോളറിലേക്ക് ഇടിഞ്ഞു. നവംബര്‍ ആദ്യവാരം 66,000 ഡോളറിലേക്ക് മൂല്യമെത്തിയതിന് ശേഷമായിരുന്നു വിലയിടിവ്.
രാജ്യത്ത് എല്ലാ സ്വകാര്യ ക്രിപ്റ്റോ കറന്‍സികളും (ഡിജിറ്റല്‍ നാണയം)നിരോധിക്കാന്‍ ലക്ഷ്യമിട്ടാണ് കേന്ദ്രസര്‍ക്കാര്‍ ബില്‍ കൊണ്ടു വരുന്നത്. അതേസമയം, ചില ക്രിപ്റ്റോ കറന്‍സികള്‍ക്ക് അനുമതിയുണ്ടാകും. ക്രിപ്റ്റോ കറന്‍സി സൃഷ്ടിക്കുന്നതിനു പിന്നിലെ സാങ്കേതികവിദ്യക്ക് പ്രോത്സാഹനം നല്‍കാനും ബില്‍ ലക്ഷ്യമിടുന്നു. രാജ്യത്തിന്റെ ഔദ്യോഗിക ഡിജിറ്റല്‍ നാണയം റിസര്‍വ് ബാങ്ക് പുറത്തിറക്കുന്നതിന് മുന്നോടിയായി അതിന് നിയമസംരക്ഷണം ഉറപ്പുവരുത്തലും ബില്ലിന്റെ ലക്ഷ്യമാണ്.
