NEWS 22 TRUTH . EQUALITY . FRATERNITY
Related Articles
നടി ആക്രമിക്കപ്പെട്ട കേസിലെ അന്വേഷണ ഉദ്യോഗസ്ഥരെ വധിക്കാന് ഗൂഡാലോചന നടത്തിയെന്ന കേസില് നടന് ദിലീപ് ഉള്പ്പെടെയുള്ള പ്രതികളെ ചോദ്യം ചെയ്യുന്നത് മൂന്നാം ദിവസമായ ഇന്നും തുടരും. ഇന്നും ദിലീപ് കൃത്യസമയത്തുതന്നെ ചോദ്യം ചെയ്യലിനായി ക്രൈംബ്രാഞ്ച് ഓഫീസില് എത്തി.
രാത്രി എട്ട് മണിക്ക് ചോദ്യം ചെയ്യല് അവസാനിപ്പിക്കണം എന്നാണ് ഹൈക്കോടതിയുടെ നിര്ദ്ദേശം. ചോദ്യം ചെയ്യലിന്റെ അവസാന ദിവസമായ ഇന്ന് പരാതിക്കാരനായ സംവിധായകന് ബാലചന്ദ്രകുമാറിനെ കൂടി വിളിപ്പിക്കാന് ക്രൈംബ്രാഞ്ച് ഉദ്ദേശിച്ചിരുന്നുവെങ്കിലും പിന്നീട് ഒഴിവാക്കിയതായാണ് റിപ്പോര്ട്ട്. ഇപ്പോഴത്തെ സാഹചര്യത്തില് അതിന്റെ ആവശ്യമില്ലെന്ന് അന്വേഷണ സംഘം വ്യക്തമാക്കിയതായാണ് റിപ്പോർട്ട്.
