കളഞ്ഞു കിട്ടിയ സ്വർണ്ണമാല ഉടമസ്ഥന് തിരികെ നൽകി; മാതൃകയായി നാലാം ക്ലാസുകാരനും ബന്ധുവും

Related Articles

എന്റെ യജമാനനെ തൊടുന്നോടാ; ഉടമയെ ബ്ലാക്ക് മാംബയിൽ നിന്നും രക്ഷിച്ച് വളർത്തുനായ

Mar 14, 2023

രക്ഷകയായി നൈന; തീപിടിത്തത്തിൽ നിന്നും വളർത്തു പൂച്ച രക്ഷിച്ചത് 6 ജീവനുകൾ

Mar 14, 2023

കപ്പൽ യാത്രക്ക്‌ ആടിനെ വിറ്റു; മറിയകുട്ടിക്ക് ഇതേ ആടിനെ വാങ്ങി നൽകി കെ.എസ്.ആർ.ടി.സി ജീവനക്കാർ

Mar 13, 2023

കുട്ടനാട് : ബസിൽ നിന്ന് കളഞ്ഞുകിട്ടിയ സ്വർണ്ണമാല ഉടമസ്ഥനെ കണ്ടെത്തി തിരികെ ഏല്പിച്ച് മാതൃകയായി നാലാം ക്ലാസുകാരനും ബന്ധുവും.

കാവാലം അട്ടിയിൽ വീട്ടിൽ മാർഷലിന്റെ മകനും, കാവാലം ലിറ്റിൽ ഫ്ലവർ സ്കൂളിലെ വിദ്യാർത്ഥിയുമായ ജോഷ് മാർഷൽ, ബന്ധുവായ മോളി എന്നിവർക്ക് കെ.എസ്.ആർ.ടി.സി ബസിൽ നിന്നാണ് മാല ലഭിച്ചത്. ചങ്ങനാശ്ശേരിയിൽ നിന്ന് കാവാലത്തേക്ക് വരുകയായിരുന്ന ബസിൽ മാല കിടക്കുന്നത് കണ്ട് ജോഷ് അതെടുത്ത് മോളിയെ ഏല്പിക്കുകയായിരുന്നു.

കാവാലത്തുള്ള ആരുടെയെങ്കിലും ആകാമെന്ന് കരുതി ആദ്യം സമീപവാസികളോടെല്ലാം വിവരം പറഞ്ഞു. തുടർന്ന് കെ.എസ്.ആർ.ടി.സി ഡിപ്പോയിലും അറിയിച്ച ശേഷമാണ് പൊലീസ് സ്റ്റേഷനിലേക്ക് പോയത്.

തുടർന്ന് പത്രമാധ്യമങ്ങളിൽ വന്ന വാർത്ത കണ്ട ശേഷം ഉടമസ്ഥനായ കറുകച്ചാൽ മനക്കോട് വീട്ടിൽ രഞ്ജിത് പൊലീസ് സ്റ്റേഷനിലെത്തി. സ്റ്റേഷൻ ഓഫീസർ ആർ. രാജീവിന്റെ സാന്നിധ്യത്തിൽ 10 ഗ്രാം തൂക്കമുള്ള മാല രഞ്ജിത് ജോഷിന്റെയും, മോളിയുടെയും കൈകളിൽ നിന്ന് ഏറ്റുവാങ്ങി.