![](https://amazing-williams.103-39-132-40.plesk.page/wp-content/uploads/2024/01/rahul-300x184.jpg)
രാഹുൽ ഗാന്ധി നയിക്കുന്ന ഭാരത് ജോഡോ ന്യായ യാത്രയ്ക്കെതിരെ പ്രതിഷേധവുമായി ബിജെപി പ്രവർത്തകർ രംഗത്തിറങ്ങിയത് അസമിൽ സംഘർഷത്തിന് വഴിതെളിച്ചു. തന്നെ തടയാൻ എത്തിയ ബിജെപി പ്രവർത്തകരുടെ അരികിലേക്ക് ബസ്സിൽ നിന്നിറങ്ങി രാഹുൽ ചെന്നത് സുരക്ഷ ഉദ്യോഗസ്ഥരെ മുൾമുനയിൽ നിർത്തി.
![](https://amazing-williams.103-39-132-40.plesk.page/wp-content/uploads/2023/03/tamil-nadu-bjp-in-splits-aiadmk-ties-also-sour-image-534-444066-300x169.jpeg)
സോനിത് പുർ ജില്ലയിലെ ജുമുഗുരി ഹാട്ടിലിയിരുന്നു സംഭവം. ബിജെപി പ്രവർത്തകർക്കെതിരെ കോൺഗ്രസ് പ്രവർത്തകരും അണിനിരന്നതോടെ സംഘർഷം മുറുകുന്നത് ബസിലിരുന്ന് കണ്ട രാഹുൽ വാഹനം നിർത്താൻ ഡ്രൈവറോട് നിർദ്ദേശിക്കുകയായിരുന്നു. പുറത്തിറങ്ങിയ അദ്ദേഹം ബിജെപി പ്രവർത്തകരുടെ അരികിലേക്ക് നടന്നു.
![](https://amazing-williams.103-39-132-40.plesk.page/wp-content/uploads/2024/01/1679228878_rahul-3-300x169.jpg)
കുതിച്ചെത്തിയ സുരക്ഷാസേനാംഗങ്ങൾ അദ്ദേഹത്തിന് വലയം തീർത്തു. പ്രവർത്തകരോട് വഴിയിൽ നിന്ന് സംസാരിച്ച രാഹുലിനെ സുരക്ഷാസംഘം നിർബന്ധിച്ചു ബസിലേക്ക് തിരികെ കയറ്റി. താൻ ബസിൽനിന്ന് ഇറങ്ങിയപ്പോഴേക്കും ബിജെപിക്കാർ ഓടിപ്പോയി എന്നും കോൺഗ്രസിന് ആരെയും ഭയമില്ലെന്നും രാഹുൽ പിന്നീട് പറയുകയുണ്ടായി.
03:34 PM