NEWS 22 TRUTH . EQUALITY . FRATERNITY
Related Articles
തമിഴ് നടന് അജിത്തിന്റെ വീട്ടില് ബോംബ് വെച്ചതായി വ്യാജ സന്ദേശം. മേയ് 31ന് തമിഴ്നാട് പൊലീസ് കണ്ട്രോള് റൂമിലേക്കാണ് അജ്ഞാത ഫോണ് കോള് വന്നത്. തൊട്ടുപിന്നാലെ പൊലീസ് അജിത്തിന്റെറ വീട്ടിലെത്തി തെരച്ചില്
നടത്തിയെങ്കിലും വ്യാജ സന്ദേശമാണെന്ന് തെളിഞ്ഞു. 24 മണിക്കൂറിനകം പൊലീസ് ഫോണ്കോളിന്റെ ഉറവിടം കണ്ടെത്തി. മാനസിക വെല്ലുവിളി നേരിടുന്ന ദിനേഷ് എന്നയാളാണ് ഫോണ് ചെയ്തതെന്ന് പൊലീസ് കണ്ടെത്തി.
സൂപ്പര് സ്റ്റാര് രജനീകാന്തിന്റെറയും വിജയ്യുടെയും പേരിലും ദിനേഷ് കഴിഞ്ഞ വര്ഷം ഇതേ രീതിയില് ഫോണ് കോളുകള് ചെയ്തിരുന്നതായാണ് റിപ്പോര്ട്ടുകള്. ദിനേഷിന്റെ വീട്ടിലെത്തിയ പൊലീസ് മാതാപിതാക്കളെ താക്കീത് ചെയ്തു.
നേരത്തെ ദിനേഷിന് ഫോണ് നല്കരുതെന്ന് പൊലീസുകാര് മാതാപിതാക്കളെ ഉപദേശിച്ചിരുന്നു. എന്നാല് എങ്ങനെയോ ഫോണ് ദിനേഷ് കൈക്കലാക്കുകയായിരുന്നു. ഇത് രണ്ടാം തവണയാണ്
അജിത്തിന്റെ ഉഞ്ചാംപക്കത്തുള്ള വീട്ടില് ബോംബ് വെച്ചതായി വ്യാജ സന്ദേശം വരുന്നത്. മരക്കാണം സ്വദേശിയായ ഭുവനേശ് ആയിരുന്നു ആദ്യം വ്യാജഫോണ് കോള് ചെയ്തത്.
