NEWS 22 TRUTH . EQUALITY . FRATERNITY
Related Articles
കോവിഡ് സാഹചര്യം വിലയിരുത്താന് കേന്ദ്ര സംഘം കേരളത്തിലെത്തി. ഇന്ന് തിരുവനന്തപുരം ജില്ലയില് സന്ദര്ശനം നടത്തുന്ന സംഘം ജില്ലാ കലക്ടറുമായും ആരോഗ്യവകുപ്പ് ഉന്നത ഉദ്യോഗസ്ഥരുമായും കൂടിക്കാഴ്ച നടത്തും.
തുടര്ന്ന് ജനറല് ആശുപത്രിയിലും മെഡിക്കല് കോളേജിലും ചികിത്സ വിലയിരുത്തും. ഡോ. രുചി ജെയിന്, ഡോ. വിനോദ് കുമാര് എന്നിവരാണ് സംഘത്തിലുള്ളത്. നാളെ കൊല്ലത്തും മറ്റന്നാള് പത്തനംതിട്ടയിലും സംഘം സന്ദര്ശനം നടത്തും.
കോവിഡ് വ്യാപനം കുറയാത്ത ആറു സംസ്ഥാനങ്ങളിലേക്കാണ് കേന്ദ്രം ഉന്നതതല സംഘങ്ങളെ അയച്ചിരിക്കുന്നത്. കേരളത്തെ കൂടാതെ അരുണാചല് പ്രദേശ്, ത്രിപുര, ഒഡീഷ, ഛത്തീസ്ഗഢ്, മണിപ്പൂര് സംസ്ഥാ നങ്ങളിലേക്കാണിത്.
ഇന്നലെ കേരളത്തില് 12,100 പേര്ക്ക്കൂടി കോവിഡ് സ്ഥിരീകരിച്ചിരുന്നു. 10.25 ആണ് ടെസ്റ്റ് പോസിറ്റിവിറ്റി നിരക്ക്. ടി.പി.ആര് 6ന് താഴെ 143, ടി.പി.ആര് 6നും 12നും ഇടയില് 510, ടി.പി.ആര് 12നും
18നും ഇടയില് 293, ടി.പി.ആര് 18ന് മുകളില് 88 എന്നിങ്ങനെ തദ്ദേശ സ്വയംഭരണ പ്രദേശങ്ങളാണുള്ളത്
