NEWS 22 TRUTH . EQUALITY . FRATERNITY
Related Articles
കാണാതായ പ്ലസ് വണ്‍ വിദ്യാര്‍ഥിനിയെ തിരുവനന്തപുരത്ത് നിന്നും കണ്ടെത്തി. ഈരാറ്റുപേട്ടയ്ക്കു സമീപം ഭരണങ്ങാനം മേലന്പാറയില്‍ നിന്നും കാണാതായ പ്ലസ് വണ്‍ വിദ്യാര്‍ഥിനിയെയാണ് തിരുവനന്തപുരത്തു നിന്നും കണ്ടെത്തിയത്. ഇന്നു പുലര്‍ച്ചെയോടെ പെണ്‍കുട്ടിയെ പോലീസ് ഈരാറ്റുപേട്ടയില്‍ എത്തിച്ചിട്ടുണ്ട്. പെണ്‍കുട്ടിയെ ഇന്നലെ പുലര്‍ച്ചെയാണ് കാണാതായത്. തുടര്‍ന്നു വീട്ടുകാര്‍ നല്കിയ പരാതിയെതുടര്‍ന്നു ഈരാറ്റുപേട്ട പോലീസ് അന്വേഷണം ആരംഭിക്കുകയായിരുന്നു. പെണ്‍കുട്ടി യാത്ര ചെയ്ത കെഎസ്‌ആര്‍ടിസി ബസിന്‍റെ കണ്ടക്ടര്‍ നല്കിയ വിവരമാണ് നിര്‍ണായകമായത്.
രാവിലെ ആറരയ്ക്ക് മേലന്പാറ ജംഗ്ഷനില്‍ നിന്നും കോട്ടയത്തേക്ക് പെണ്‍കുട്ടി തന്‍റെ ബസിലാണ് യാത്ര ചെയ്തതെന്നും, ടിക്കറ്റെടുക്കാനായി 200 രൂപയാണ് നല്കിയതെന്നും കണ്ടക്ടര്‍ പോലീസിനെ അറിയിച്ചു. ഇതനുസരിച്ച്‌ ഈരാറ്റുപേട്ട പോലീസ് നടത്തിയ അന്വേഷണത്തിലാണ് പെണ്‍കുട്ടിയെ തിരുവനന്തപുരത്തു നിന്നും കണ്ടെത്തിയത്. ഇന്‍സ്റ്റഗ്രാമിലുടെ പരിചയപ്പെട്ട സുഹൃത്തിനെ കാണാനാണ് പെണ്‍കുട്ടി പോയതെന്ന് പോലീസ് പറയുന്നു.
