NEWS 22 TRUTH . EQUALITY . FRATERNITY
Related Articles
സ്പാനിഷ് ഭീമന്‍ ബാഴ്‌സലോണ തങ്ങളുടെ പരിശീലകനെ പുറത്താക്കി. ഏണസ്റ്റൊ വാല്‍വെര്‍ദയെയാണ് ബാഴ്സ പുറത്താക്കിയത്.
സ്പാനിഷ് സൂപ്പര്‍ കപ്പ് സെമി ഫൈനലില്‍ അത്‌ലറ്റിക്കോ മാഡ്രിഡിനോട് തോറ്റതിന് പിന്നാലെയാണ് പരിശീലകനെ പുറത്താക്കിയത്. റയല്‍ ബെറ്റിസിന്റെ മുന്‍ പരിശീലകന്‍ ക്വികെ സെറ്റിയെനെ പുതിയ പരിശീലകനായി നിയമിക്കുന്നത്.
സ്‌പെയിന്‍ ദേശീയ താരമായ സെറ്റിയന്‍ ബാഴ്‌സലോണയുടെ അതേ പരിശീലന രീതിയാണ് പിന്തുടരുന്നത്. 55-കാരനായ വാല്‍വെര്‍ദ 2017 മെയ് മാസത്തിലാണ് ലൂയി എന്‍റിക്വെയുടെ പകരക്കാരനായി ബാഴ്സയിലെത്തുന്നത്.
രണ്ട് ലീഗ് കിരീടങ്ങളും ഒരു കോപ്പ ഡെല്‍റേയും ഒരു സൂപ്പര്‍ കോപ്പ് കിരീടവും ബാഴ്‌സക്കായി വാല്‍വെര്‍ദ നേടിക്കൊടുത്തിരുന്നു.
ചാമ്ബ്യന്‍സ് ലീഗിലെ മോശം പ്രകടനമാണ് പുറത്താകലിലേക്ക് വഴി തുറന്നത്. ലിവര്‍പൂളിനോടും എ.എസ് റോമയോടും തോറ്റാണ് കഴിഞ്ഞ സീസണുകളില്‍ ബാഴ്സ ചാമ്ബ്യന്‍സ് ലീഗില്‍ നിന്നും പുറത്തായത്. ടീമിന്‍റെ മോശം പ്രകടനം തുടരുന്നതിനാലാണ് പരിശീലകനെ പുറത്താക്കാന്‍ കാരണമായത്.
