NEWS 22 TRUTH . EQUALITY . FRATERNITY
Related Articles
മാരുതി സുസുക്കി ബ്രെസയുടെ പെട്രോള്‍ പതിപ്പ് അവതരിപ്പിച്ചു. ബി.എസ് 6 വാഹനങ്ങളിലേക്ക് വൈകാതെ ചുവടുവെക്കാനുള്ള ഒരുക്കത്തിലാണ് മാരുതി സുസുക്കി.
ഇതിന്‍റെ ഭാഗമായി മലിനീകരണം കൂടുതലുള്ള ഡീസല്‍ എന്‍ജിനുകള്‍ വാഹനങ്ങളില്‍ നിന്ന് മാറ്റാനും മാരുതി നീക്കം തുടങ്ങിയതായാണ് റിപ്പോര്‍ട്ട്. ഈ മാറ്റത്തിന്‍റെ ഭാഗമായാണ് മാരുതി സുസുക്കി കോംപാക്ട് എസ്.യു.വി ബ്രെസയുടെ പെട്രോള്‍ വകഭേദം ഡല്‍ഹി ഓട്ടോ എക്സ്പോയില്‍ അവതരിപ്പിച്ചത്.
എര്‍ട്ടിഗയിലും സിയാസിലുമുള്ള 1.5 ലിറ്റര്‍ പെട്രോള്‍ എന്‍ജിന്‍ തന്നെയാണ് ബ്രെസക്കും കരുത്ത് പകരുന്നത്. 105 ബി.എച്ച്‌.പിയാണ് പെട്രോള്‍ എന്‍ജിനിന്‍റെ പരമാവധി കരുത്ത്. 138 എന്‍.എം പരമാവധി ടോര്‍ക്കും അഞ്ച് സ്പീഡ് മാനുവല്‍ ഗിയര്‍ബോക്സിലും നാല് സ്പീഡ് ടോര്‍ക്ക് കണ്‍വേര്‍ട്ടര്‍ ഓട്ടോമാറ്റിക് ഓപ്ഷനിലുമായാണ് വാഹനം വിപണിയിലെത്തുക.
കൂടുതല്‍ ഇന്ധനക്ഷമത നല്‍കുന്ന സ്മാര്‍ട്ട് ഹൈബ്രിഡ് ടെക്നോളജിയുമായിട്ടാണ് കാര്‍ പുറത്തിറങ്ങുക. ഡിസൈന്‍ ഘടകങ്ങള്‍ നോക്കിയാല്‍ ഫോഗ്ലാമ്ബിന്‍റെ വലുപ്പം മാരുതി കൂട്ടുകയും ടേണ്‍ ഇന്‍ഡിക്കേറ്ററുകളുടെ സ്ഥാനം ഹെഡ്ലാമ്ബുകള്‍ക്കൊപ്പവുമാക്കിയിട്ടുണ്ട്. 7.0 ഇഞ്ച് ഇന്‍ഫോടെയിന്‍മന്‍റെ സിസ്റ്റമാണ് ഇന്‍റീരിയറിലെ പ്രധാന സവിശേഷതകളില്‍ ഒന്ന്.
