NEWS 22 TRUTH . EQUALITY . FRATERNITY
Related Articles
കേരളത്തില് വീണ്ടും പക്ഷിപ്പനി സ്ഥിരീകരിച്ചതായ് റിപ്പോര്ട്ട്. കോഴിക്കോട് വേങ്ങേരിയിലും കൊടിയത്തൂരിലെയും കോഴി ഫാമുകളിലാണ് രോഗം സ്ഥിരീകരിച്ചത്.
ഇതേ തുടര്ന്ന് മൃഗസംരക്ഷണവകുപ്പ് മന്ത്രി കെ രാജുവിന്റെ നേതൃത്വത്തില് തിരുവനന്തപുരത്ത് ഉന്നതതലയോഗം ചേര്ന്നു ആശങ്കപ്പെടാനില്ലെന്നും രോഗം നിയന്ത്രണവിധേയമാണെന്നുമാണ് മൃഗസംരക്ഷണവകുപ്പിന്റെ വിലയിരുത്തല്.
എന്നാല് സംസ്ഥാനത്ത് അതിജാഗ്രതാ നിര്ദേശം നല്കിയിട്ടുണ്ട്. സംസ്ഥാനത്ത് ഉടനീളം പരിശോധന വ്യാപിപ്പിക്കാനും യോഗം തീരുമാനിച്ചതായാണ് റിപ്പോര്ട്ട്. രോഗം സ്ഥിരീകരിച്ച രണ്ട് ഫാമുകളുടെയും ഒരു കിലോമീറ്റര് ചുറ്റളവില്
ശനിയാഴ്ച വിദഗ്ധസംഘം പരിശോധന നടത്തും. പ്രതിരോധ പ്രവര്ത്തനങ്ങള് ഊര്ജിതമാക്കിയതായി മന്ത്രി അറിയിച്ചു . 2016ലാണ് സംസ്ഥാനത്ത് ഇതിനുമുന്പ് പക്ഷിപ്പനി സ്ഥിരീകരിച്ചത്. കുട്ടനാട് ഭാഗത്തെ താറാവുകള്ക്കായിരുന്നു അന്ന് രോഗം ബാധിച്ചിരുന്നത്.
