NEWS 22 TRUTH . EQUALITY . FRATERNITY
Related Articles
കരുത്തരായ ടോട്ടന്‍ഹാം ഹോട്സ്പറിനെ ഒന്നിനെതിരെ മൂന്നു ഗോളിന് വീഴ്ത്തിയാണ് ലിവര്‍പൂള്‍ ജയമില്ലാത്ത അഞ്ചു കളികള്‍ക്ക് ശേഷം പ്രിമിയര്‍ ലീഗില്‍ വിജയവും ആദ്യ നാലില്‍ ഇടവും ഉറപ്പിച്ചത്.
കണങ്കാലിന് പരിക്കേറ്റ് ഹോട്സ്പര്‍ സൂപര്‍ താരം ഹാരി കെയ്ന്‍ ആദ്യ പകുതിയില്‍ മടങ്ങിയ മത്സരത്തില്‍ അസാധ്യ പ്രകടനവുമായാണ് റോബര്‍ട്ടോ ഫര്‍മീനോയും സാദിയോ മാനേയും മുന്നില്‍നിന്ന് നയിച്ച സംഘം അനായാസ ജയം തൊട്ടത്.
ഗോളടിക്കാന്‍ മറന്ന് ലീഗില്‍ നിരവധി മത്സരങ്ങളും 482 മിനിറ്റും പൂര്‍ത്തിയാക്കിയതി നൊടുവില്‍ ഇന്നലെ ഒന്നാം പകുതിയുടെ അവസാന മിനിറ്റില്‍ റോബര്‍ട്ടോ ഫര്‍മീനോയാണ് ലിവര്‍പൂളിെന്‍റ ഗോള്‍വരള്‍ച്ച അവസാനിപ്പിച്ചത്.
ഹോട്സ്പര്‍ നിരയില്‍ എറിക് ഡയറും ഗോളി ഹ്യൂഗോ ലോറിസും തമ്മിലെ ആശയക്കുഴപ്പം മുതലെടുത്തായിരുന്നു ബ്രസീല്‍ താരത്തിെന്‍റ സൂപര്‍ ഗോള്‍.
രണ്ടാം പകുതി തുടങ്ങി രണ്ടു മിനിറ്റ് കഴിഞ്ഞ് പിന്നെയും ലോറിസ് വരുത്തിയ പിഴവ് ലിവര്‍പൂളിന് അനുഗ്രഹമായി.
വിര്‍ജില്‍ വാന്‍ ഡൈകും ജോ ഗോമസും പരിക്കുമായി പുറത്തിരിക്കുന്നത് അലട്ടാതെ ടീമിന്
ഉൗര്‍ജം പകര്‍ന്ന ഫര്‍മീനോയാണ് ഹോട്സ്പറിനെതിരെ ജയം നല്‍കുന്നതില്‍ നിര്‍ണായകമായത്. ഇതോടെ ഒന്നാം സ്ഥാനത്തുള്ള മാഞ്ചസ്റ്റര്‍ സിറ്റിക്കെതിരെ ലിവര്‍പൂളിെന്‍റ പോയിന്‍റ് വ്യത്യാസം നാലായി ചുരുങ്ങി.
സിറ്റി ഒരു കളി അധികം പൂര്‍ത്തിയാക്കിയിട്ടുമുണ്ട്. ജയത്തോടെ ലിവര്‍പൂള്‍ വീണ്ടും ചാമ്ബ്യന്‍ഷിപ്പ് നിലനിര്‍ത്തുമെന്ന ‘സ്വപ്നങ്ങളും സജീവമായി.
