NEWS 22 TRUTH . EQUALITY . FRATERNITY
Related Articles
കോണ്‍ഗ്രസ് നേതാവ് രാഹുല്‍ ഗാന്ധിക്കെതിരായ മുന്‍ എം.പി ജോയ്സ് ജോര്‍ജ്ജിന്‍റെ പരാമര്‍ശത്തെ തള്ളി മുഖ്യമന്ത്രി പിണറായി വിജയന്‍. രാഹുല്‍ ഗാന്ധിയെ വ്യക്തിപരമായി ആക്ഷേപിക്കുന്നത് എല്‍.ഡി.എഫിന്‍റെ നയമല്ലെന്നും രാഷ്ട്രീയമായാണ് രാഹുല്‍ ഗാന്ധിയെ എതിര്‍ക്കുന്നതെന്നും മുഖ്യമന്ത്രി പറഞ്ഞു.
കാസര്‍ഗോഡ് മാധ്യമപ്രവര്‍ത്തകരുടെ ചോദ്യത്തിന് മറുപടി പറയവെയാണ് മുഖ്യമന്ത്രി നിലപാട് വ്യക്തമാക്കിയത്. എറണാകുളം സെന്റ്. തെരേസസ് കോളജ് വിദ്യാര്‍ഥികളെ രാഹുല്‍ ഗാന്ധി
ഐക്കിഡോ പരിശീലിപ്പിച്ചതിനെ പരിഹസിച്ചായിരുന്നു ജോയ്സ് ജോര്‍ജ്ജിന്‍റെ പരാമര്‍ശം. രാഹുല്‍ ഗാന്ധി പെണ്‍കുട്ടികളുടെ കോളജില്‍ മാത്രമേ പോകുകയുള്ളൂവെന്നും ജോയ്സ് പറഞ്ഞിരുന്നു.
അതേസമയം, ജോയ്സിനെ ന്യായീകരിച്ച്‌ അദ്ദേഹത്തോടൊപ്പം വേദിയിലുണ്ടായിരുന്ന എം.എം മണി രംഗത്തെത്തി. ജോയ്സ് ജോര്‍ജ്ജ് രാഹുല്‍ ഗാന്ധിയെ വിമര്‍ശിക്കുകയായിരുന്നെന്നും സ്ത്രീവിരുദ്ധ പരാമര്‍ശം നടത്തിയില്ലെന്നും എം.എം മണി പറഞ്ഞു.
