NEWS 22 TRUTH . EQUALITY . FRATERNITY
Related Articles
പത്താം ക്ലാസ് വിദ്യാര്ത്ഥിനിയെ കൂട്ടബലാത്സംഗം ചെയ്ത കേസിലെ പ്രതികളിലൊരാളെ പൊലീസ് വെടിവച്ച് കൊലപ്പെടുത്തി. കോടതിയില് കൊണ്ടുപോകും വഴി രക്ഷപ്പെടാന് ശ്രമിക്കുന്നതിനിടെയാണ് വികാസ് എന്ന പ്രതി പോലീസിന്റെ വെടിയേറ്റ് മരിച്ചതെന്ന്
അധികൃതര് വ്യക്തമാക്കി. പ്രമുഖ ദേശീയ മാധ്യമമാണ് സംഭവം റിപ്പോര്ട്ട് ചെയ്തത്. സംഭവത്തില് മറ്റൊരു പ്രതിയായ ലഖാന് പരിക്കേറ്റു. കപ്സാഡ് ഗ്രാമത്തില്വെച്ചാണ് പ്രതികളെ വെടിവെച്ചത്.
പ്രതികളാണ് ആദ്യം വെടിവെച്ചതെന്നും പൊലീസ് പറഞ്ഞു. കൂട്ടബലാത്സംഗത്തിനിരയായ പെണ്കുട്ടി ആത്മഹത്യ ചെയ്തിരുന്നു. സുരക്ഷക്ക് ഒപ്പം പോയ പൊലീസുകാരന്റെ തോക്ക് തട്ടിയെടുത്താണ്
ഇവര് രക്ഷപ്പെടാന് ശ്രമിച്ചതെന്നും പൊലീസ് വിശദീകരിക്കുന്നു. മീററ്റ് പൊലീസ് സര്വയലന്സ് ഡിപ്പാര്ട്ട്മെന്റും സര്ധാന പൊലീസ് സ്റ്റേഷനിലെ ജീവനക്കാരുമാണ് എന്കൗണ്ടറില് പങ്കെടുത്തത്.
