NEWS 22 TRUTH . EQUALITY . FRATERNITY
Related Articles
ബാങ്ക് വായ്പ തട്ടിപ്പ് കേസില്‍പ്പെട്ട് രാജ്യം വിട്ട വിവാദ വ്യവസായി വിജയ് മല്യയുടെ പേരിലുള്ള സ്വത്തുക്കള്‍ വില്‍ക്കാന്‍ ബാങ്കുകള്‍ക്ക് കോടതി അനുമതി നല്‍കി.
എന്‍ഫോഴ്സ്മെന്റ് ഡയറക്ടറേറ്റ്(ഇ ഡി) പിടിച്ചെടുത്ത വിജയ് മല്യയുടെ റിയല്‍ എസ്റ്റേറ്റ് ആസ്തികളും മറ്റു സ്വത്തുക്കളും വില്‍ക്കാനാണ് അനുമതി ലഭിച്ചത്.
പ്രിവന്‍ഷന്‍ ഓഫ് മണി ലോന്‍ഡറിങ് ആക്‌ട്(പി എം എല്‍ എ) പ്രകാരമാണ് കോടതി നടപടി.
മല്യ തിരിച്ചടക്കാനുള്ള 5600 കോടി രൂപയുടെ വായ്പാ തുക ഈടാക്കാനുള്ള നടപടിയുടെ ഭാഗമായാണ് കോടതി ഉത്തരവെന്ന് പഞ്ചാബ് നാഷണല്‍ ബാങ്ക് മാനേജിങ് ഡയറക്ടര്‍ മല്ലികാര്‍ജുന റാവു അറിയിച്ചു.
9,000 കോടി രൂപയുടെ വായ്പാ തട്ടിപ്പ് നടത്തിയാണ് മദ്യരാജാവ് വിജയ് മല്യ രാജ്യം വിട്ടത്. ഇത്രയും വലിയ തട്ടിപ്പിന് ശേഷവും രാജ്യം വിടാന്‍ മല്യക്ക് സാധിച്ചത് ചില സ്വാധീനങ്ങളായിരുന്നു എന്ന ആരോപണം ഉണ്ടായിരുന്നു.
ലീഡ് ബാങ്ക് വസ്തുവകകള്‍ വില്‍ക്കും. തങ്ങളുടെ ബാങ്കില്‍ മല്ല്യയ്ക്ക് വലിയ തുകയുടെ ലോണ്‍ ഇല്ലെങ്കിലും തങ്ങള്‍ക്ക് കിട്ടാനുള്ള തുക ലീഡ് ബാങ്കില്‍ നിന്നും ലഭിക്കുമെന്നും അദ്ദേഹം പറഞ്ഞു.
കിങ്ഫിഷര്‍ വിമാനക്കമ്ബനിയുമായി ബന്ധപ്പെട്ട ഒമ്ബതിനായിരം കോടി രൂപയുടെ വായ്പ തിരിച്ചടക്കാത്ത കേസില്‍ പ്രതിയായ വിജയ് മല്യ നിലവില്‍ യു കെയിലാണ്.
