NEWS 22 TRUTH . EQUALITY . FRATERNITY
Related Articles
കോവിഡ് വ്യാപനത്തിന്റെ പശ്ചാത്തലത്തില് കേരളത്തിന് മുന്നറിയിപ്പുമായി കേന്ദ്ര ആരോഗ്യമന്ത്രാലയം. കോവിഡ് നിയന്ത്രണങ്ങളിലെ ഇളവുകളില് ജാഗ്രത പാലിക്കണം. ജില്ലാതലത്തിലും വാര്ഡ് തലത്തിലും
പ്രത്യേക നിരീക്ഷണ സംവിധാനം ഒരുക്കണമെന്നും ടി.പി.ആര് കൂടിയ ജില്ലകളില് ജാഗ്രത പുലര്ത്തണമെന്നും ആരോഗ്യ സെക്രട്ടറി രാജേഷ് ഭൂഷണ് ചീഫ് സെക്രട്ടറിക്കയച്ച കത്തില് പറയുന്നു.
കോവിഡ് വ്യാപനം കുറഞ്ഞു തുടങ്ങിയതോടെ നിയന്ത്രണങ്ങളില് ഇളവു വരുത്തിയിട്ടുണ്ടെന്നും ഇക്കാര്യത്തില് ജാഗ്രത പാലിച്ചില്ലെങ്കില് തിരിച്ചടിയുണ്ടാകുമെന്നും രാജേഷ് ഭൂഷണ് വ്യക്തമാക്കി. കേരളത്തിനു പുറമേ രാജസ്ഥാന്, മണിപ്പൂര്,
സിക്കിം, ത്രിപുര, ബംഗാള്, പുതുച്ചേരി, ഒഡിഷ, മേഘാലയ, മിസോറം, നാഗാലാന്ഡ്, അരുണാചല് പ്രദേശ്, ഹിമാചല് പ്രദേശ്, അസം, ആന്ധ്ര എന്നീ സംസ്ഥാനങ്ങള്ക്കാണ് ആരോഗ്യമന്ത്രാലയം കത്തയച്ചിട്ടുള്ളത്.
അതേസമയം രോഗബാധ കുറയാത്തതിനെ തുടര്ന്ന് നിയന്ത്രണങ്ങള് കര്ശനമാക്കാന് സംസ്ഥാന സര്ക്കാര് തീരുമാനിച്ചിരുന്നു. ഒരാഴ്ചയോളമായി സംസ്ഥാന തലത്തിലുള്ള പോസിറ്റിവിറ്റി നിരക്ക് 10നു
മുകളില് തുടരുകയാണ്. 21ന് 9.63 ആയിരുന്ന ടിപിആര് പിന്നീട് ഉയര്ന്ന് ശരാശരി 10.4 ആയി. ഒരാഴ്ചയ്ക്കകം ഇത് 7നു താഴെയെത്തുമെന്ന കണക്കുകൂട്ടല് തെറ്റിയതോടെയാണ് വീണ്ടും നിബന്ധനകള് കര്ശനമാക്കുന്നത്.
