NEWS 22 TRUTH . EQUALITY . FRATERNITY
Related Articles
വ്യാഴാഴ്ച മുതല്‍ എല്ലാ ദിവസവും കടകള്‍ തുറക്കാനുള്ള തീരുമാനത്തില്‍ നിന്ന് പിന്മാറി വ്യാപാരികള്‍. മുഖ്യമന്ത്രിയുടെ ഇടപെടലിനെ തുടര്‍ന്നാണ് വ്യാപാരികളുടെ പിന്മാറ്റം. നാളെ മുതല്‍
സംസ്ഥാനത്തെ വ്യാപാരികള്‍ എല്ലാ ദിവസവും കടക്കാര്‍ തുറക്കും എന്ന തീരുമാനത്തിലായിരുന്നു. വ്യാപാരികള്‍ തിരുവനന്തപുരത്ത് വെള്ളിയാഴ്ച മുഖ്യമന്ത്രിയുമായി ചര്‍ച്ച നടത്തും. മുഖ്യമന്ത്രി
അനുഭാവപൂര്‍വ്വം ആവശ്യങ്ങള്‍ പരിഗണിക്കാമെന്ന് ഉറപ്പ് നല്‍കിയതായി വ്യാപാരി വ്യവസായി ഏകോപന സമിതി പ്രസിഡന്‍റ് ടി. നസറുദ്ദീന്‍ പറഞ്ഞു.
കോഴിക്കോട് കളക്ടറുമായി വ്യാപാര സംഘടനകള്‍ സംസ്ഥാനത്ത് എല്ലാ ദിവസവും കടകള്‍ തുറക്കണം എന്നാവശ്യപ്പെട്ട് ചര്‍ച്ച നടത്തിയിരുന്നു. ചര്‍ച്ച പരാജയപ്പെട്ടതിന് ശേഷം സംസ്ഥാനത്ത് വ്യാഴാഴ്ച മുതല്‍
എല്ലാ കടകളും തുറക്കുമെന്ന് വ്യാപാരി വ്യവസായി ഏകോപന സമിതി അറിയിക്കുകയും ചെയ്തു. വെള്ളിയാഴ്ച വീണ്ടും ചര്‍ച്ച നടത്താമെന്ന് മുഖ്യമന്ത്രി വിളിച്ച്‌ സംസാരിച്ചതായി ടി നസറുദ്ദീന്‍ പറഞ്ഞു. ഇതിന്‍റെ അടിസ്ഥാനത്തിലാണ് കടകള്‍ തുറക്കുന്നതില്‍ നിന്ന് പിന്മാറിയത്.
