NEWS 22 TRUTH . EQUALITY . FRATERNITY
Related Articles
വടക്കഞ്ചേരി കാരപ്പാടത്തെ യുവതിയുടെ മരണം കൊലപാതകമെന്ന് പൊലീസ്. ഭര്‍ത്താവ് യുവതിയെ തീകൊളുത്തി കൊലപ്പെടുത്തിയതാണെന്ന് കണ്ടെത്തി. ഭർത്താവിന്റെ മറ്റൊരു ബന്ധം ചോദ്യം ചെയ്തതിനാണ് ഭാര്യയെ കൊലപ്പെടുത്തിയത്.
ജൂണ്‍ 18നാണ് ഭര്‍ത്താവിന്റെ വീട്ടില്‍ യുവതിയെ പൊള്ളലേറ്റ് മരിച്ച നിലയില്‍ കണ്ടെത്തിയത്. മക്കളാണ് വിവരം അയൽവാസികളെ അറിയിച്ചത്. അച്ഛൻ അമ്മയെ തീകൊളുത്തിയെന്നായിരുന്നു കുട്ടികൾ അയൽവാസികളോട് പറഞ്ഞത്.
തൃശൂർ മെഡിക്കൽ കോളജിൽ എത്തിച്ചെങ്കിലും 22 ന് മരണമടഞ്ഞു. തുടർന്ന് പൊലീസ് നടത്തിയ അന്വേഷണത്തിലാണ് കൊലപാതക വിവരം പുറത്ത് വന്നത്. കുട്ടികളുടെ മൊഴിയടക്കം നിർണായകമായി.
നേരത്തെ ആത്മഹത്യ പ്രേരണാക്കുറ്റം ചുമത്തി ഭര്‍ത്താവിനെ അറസ്റ്റ് ചെയ്തിരുന്നു. ഇയാളെ ചോദ്യം ചെയ്തതില്‍ നിന്നാണ് കൊലപാതകമെന്ന സ്ഥിരീകരണത്തിലേക്കെത്തിയത്. പ്രതി റിമാന്‍ഡിലാണ്. 12 വര്‍ഷം മുന്‍പായിരുന്നു ഇവരുവരുടെയും വിവാഹം.
