NEWS 22 TRUTH . EQUALITY . FRATERNITY
Related Articles
പതിനഞ്ചുകാരിയെ തട്ടിക്കൊണ്ടു പോയി മയക്കുമരുന്നു നല്‍കി പീഡിപ്പിച്ച കേസില്‍ അറസ്റ്റിലായ മൂന്നു പേരെ റിമാന്‍ഡ് ചെയ്തു. കുഴിമണ്ണ കടുങ്ങല്ലൂര്‍ കണ്ണാടിപ്പറന്പ് നവാസ് ഷെരീഫ് (24), കാവനൂര്‍ താഴത്തുവീടന്‍ മുഹമ്മദ് (22), പുല്‍പ്പറ്റ പൂക്കളത്തൂര്‍ കണയംകോട്ടില്‍ ജാവിദ് (26) എന്നിവരെയാണ് എടവണ്ണ പോലീസ് അറസ്റ്റ് ചെയ്തത്.
സംഭവത്തില്‍ ഞെട്ടിക്കുന്ന വിവരങ്ങളാണ് പുറത്തു വരുന്നത്. പതിനഞ്ചുകാരിക്കു ഒരു വര്‍ഷത്തിലേറെയായി മയക്കുമരുന്നു നല്‍കിയിരുന്നതായി കണ്ടെത്തിയിട്ടുണ്ട്. സമാനമായ സംഭവം കഴിഞ്ഞ ഫെബ്രുവരിയിലും മലപ്പുറത്തു നടന്നിരുന്നു. കല്‍പകഞ്ചേരിയില്‍ നടന്ന സംഭവത്തില്‍ പതിന്നാലുകാരിയെയാണ് ലഹരിക്ക് അടിമയാക്കി പീഡനത്തിന് ഇരയാക്കിയത്.
