NEWS 22 TRUTH . EQUALITY . FRATERNITY
Related Articles
ത്രിപുരയില് മുസ്ലംകള്ക്കെതിരെ അരങ്ങേറിയ വര്ഗീയാക്രമണങ്ങള്ക്കെതിരെ പ്രതികരണവുമായി കോണ്ഗ്രസ് നേതാവ് രാഹുല് ഗാന്ധി. അന്ധതയും ബധിരതയും നടിച്ച് ഈ സര്ക്കാറിന് എത്രകാലം തുടരാനാകുമെന്നും അദ്ദേഹം ട്വീറ്റ് ചെയ്തു. ‘ത്രിപുരയില് നമ്മുടെ മുസ്ലിം സഹോദരന്മാര് ക്രൂരമായ ആക്രമണങ്ങള്ക്ക് വിധേയമാകുകയാണ്.
ഹിന്ദുവിന്റെ പേരില് അക്രമങ്ങളും വെറുപ്പും വ്യാപിപ്പിക്കുന്നവര് ഹിന്ദുവല്ല, വഞ്ചകരാണ്’ -രാഹുല് ട്വീറ്റ് ചെയ്തു. അന്ധതയും ബധിരതയും നടിച്ച് ഈ സര്ക്കാറിന് എത്ര കാലം തുടരാനാകുമെന്നും രാഹുല് ചോദിച്ചു. ത്രിപുരയില് മുസ്ലിംകള്ക്ക് നേരെ ഒരാഴ്ചയായി അതിക്രമങ്ങള് രൂക്ഷമാണ്.
അക്രമികള്ക്ക് പൊലീസിന്റെയും ഭരണകൂടത്തിന്റെയും പൂര്ണ സഹകരണമുണ്ടെന്ന് വിമര്ശനമുണ്ട്. ഈ മാസമാദ്യം ദുര്ഗാപൂജ ആഘോഷങ്ങള്ക്കിടെ ബംഗ്ലാദേശില് നടന്ന ഹിന്ദു വിരുദ്ധ അക്രമങ്ങള്ക്കുള്ള പ്രതികാരമായാണ് ത്രിപുരയില് ആക്രമണങ്ങള് ആരംഭിച്ചത്.
