NEWS 22 TRUTH . EQUALITY . FRATERNITY
Related Articles
പ്രായപൂര്‍ത്തിയാകാത്ത പെണ്‍കുട്ടിയുടെ കൈയ്ക്ക് കടന്ന് പിടിച്ച്‌ മര്‍ദിച്ച 19 വയസുകാരന്‍ പോലീസ് പിടിയില്‍. തൃക്കോവില്‍വട്ടം സ്വദേശി അജിത്തിനെയാണ് കണ്ണനല്ലൂര്‍ പോലീസ് അറസ്റ്റ് ചെയ്തത്. കഴിഞ്ഞ 29ന് വൈകുന്നേരം അജിത്ത് പെണ്‍കുട്ടിയെ റോഡില്‍ തടഞ്ഞ് നിര്‍ത്തി കൈയ്ക്ക് കടന്ന് പിടിച്ച്‌ കരണത്ത് അടിക്കുകയായിരുന്നു.
പെണ്‍കുട്ടി ഇയാളുടെ പ്രണയാഭ്യര്‍ഥന നിരസിക്കുകയും ശല്യം ചെയ്യരുതെന്ന് താക്കീത് ചെയ്യുകയും ചെയ്ത വിരോധത്തിലാണ് ഇയാള്‍ പെണ്‍കുട്ടിയെ പരസ്യമായി കടന്ന് പിടിച്ചത്. പെണ്‍കുട്ടിയുടെ പരാതിയില്‍ പോലീസ് അജിത്തിനെ പിടികൂടുകയായിരുന്നു. ഇയാള്‍ക്കെതിരെ സ്ത്രീകള്‍ക്ക് നേരെയുളള അതിക്രമത്തിനും പോക്സോ പ്രകാരവും കേസ് രജിസ്റ്റര്‍ ചെയ്തു. പ്രതിയെ റിമാന്‍ഡ് ചെയ്തു.
