NEWS 22 TRUTH . EQUALITY . FRATERNITY
Related Articles
വനിത സുഹൃത്തുമായി ചേര്‍ന്ന് ഭാര്യയെ ഉപദ്രവിച്ചു എന്ന കേസില്‍ യുവാവിനെയും മാതാവിനെയും സുഹൃത്തിനെയും വെറുതെവിട്ടു. പൂയപ്പള്ളി പൊലീസ് രജിസ്റ്റര്‍ ചെയ്ത കേസിലാണ് കൊട്ടാരക്കര അസി. സെഷന്‍സ് കോടതി ഭര്‍ത്താവായ ഓടനാവട്ടം കുടവട്ടൂര്‍ സ്വദേശിയായ സന്തോഷിനെയും സുഹൃത്ത് വിദ്യയെയും മാതാവ് ശോഭന ഭായിയെയും വെറുതെവിട്ടത്. 2012 മാര്‍ച്ച്‌-ഏപ്രില്‍ മാസങ്ങളിലാണ് കേസിനാസ്പദമായ സംഭവം.
2012 മാര്‍ച്ചില്‍ വനിത സുഹൃത്ത് സന്തോഷിന്റെ വീട്ടില്‍ വന്നതിനെ ഭാര്യ ശാലിനി ചോദ്യംചെയ്തതില്‍ പ്രകോപിതനായി ഉപദ്രവിച്ചെന്നും തുടര്‍ന്ന് ഏപ്രിലിലും ഉപദ്രവം തുടര്‍ന്നെന്നുമായിരുന്നു കേസ്. സ്ത്രീധനം ആവശ്യപ്പെട്ട് സന്തോഷും മാതാവും കൂടി ശാലിനിയെ മാനസികമായി പീഡിപ്പിച്ചെന്നും കേസില്‍ ആരോപിച്ചിരുന്നു. പ്രതികള്‍ക്കെതിരെയുള്ള കുറ്റം തെളിയിക്കാന്‍ കഴിഞ്ഞില്ലെന്ന കാരണത്താലാണ് വെറുതെവിട്ടത്.
