Breaking News

ഐപിഎല്‍ 2022; ആദ്യ ജയത്തിനായി മുംബൈ ഇന്ത്യന്‍സ് ഇന്നിറങ്ങും, ഉറ്റു നോക്കി ആരാധകര്‍

ഐപിഎല്ലില്‍ ആദ്യ ജയത്തിനായി മുംബൈ ഇന്ത്യന്‍സ് ഇന്ന് ഇറങ്ങും. പഞ്ചാബ് കിംഗ്‌സാണ്‌ എതിരാളികള്‍. രാത്രി ഏഴരയ്ക്ക് പുനെയിലാണ് മത്സരം. അഞ്ച് വട്ടം ചാമ്ബ്യന്മാരെങ്കിലും പോയിന്‍റ് ടേബിളില്‍ ഇത്തവണ അക്കൗണ്ട് തുറക്കാനായിട്ടില്ല മുംബൈക്ക്. വിജയവഴിയില്‍ തിരിച്ചെത്താന്‍ പൊരുതുന്ന പഞ്ചാബിനും മത്സരം പ്രധാനമാണിത്.

തുടക്കം മോശമായ നിലയില്‍ നിന്ന് കിരീടത്തിലേക്ക് എത്തിയ മുന്‍ ചരിത്രത്തിലാണ് മുംബൈ ആരാധകരുടെ പ്രതീക്ഷ. എന്നാല്‍ ഒരു തോല്‍വി കൂടി രോഹിത്തിനും സംഘത്തിനും താങ്ങാനാവില്ല. ബാറ്റിംഗിലും ബൗളിംഗിലും മുംബൈ നിരയില്‍ സ്ഥിരതയില്ലായ്‌മ പ്രകടം. നായകന്‍ രോഹിത്തിന്‍റെ മോശം ഫോമാണ് ടീമിന്‍റെ പ്രധാന തലവേദന.

ഇഷാന്‍ കിഷനും സൂര്യകുമാര്‍ യാദവും ക്രീസിലുറച്ചാല്‍ വമ്ബന്‍ സ്കോറിലെത്താം. മികവിലേക്കുയരുന്ന തിലക് വര്‍മയിലും ഡെവാള്‍ഡ് ബ്രൂയിസിലും പ്രതീക്ഷയേറെ. പഞ്ചാബിനെതിരെ മികച്ച റെക്കോര്‍ഡുള്ള കീറോണ്‍ പൊള്ളാര്‍ഡിനും കൂടുതല്‍ ഉത്തരവാദിത്തമുണ്ട്. ബൗളിങ്ങില്‍ ജസ്പ്രീത് ബുമ്ര പഴയ ഫോമിന്‍റെ നിഴലില്‍ മാത്രമെന്നത് ആരാധകർക്ക് തിരിച്ചടി ആകുന്നു.

About NEWS22 EDITOR

Check Also

സംസ്ഥാനത്ത് 15 വരെ ശക്തമായ മഴയ്ക്കു സാധ്യത; യെലോ അലര്‍ട്ട്

ഇടുക്കി, കോട്ടയം, എറണാകുളം, മലപ്പുറം ജില്ലകളില്‍ കനത്ത മഴ ഉണ്ടാകാന്‍ സാധ്യത മുന്‍നിര്‍ത്തി ഇന്ന് യെലോ അലര്‍ട്ട് പ്രഖ്യാപിച്ചു. നാളെ …