NEWS 22 TRUTH . EQUALITY . FRATERNITY
Related Articles
എ.ടി.എമ്മില്‍ നിറയ്ക്കാനുള്ള 82.50 ലക്ഷം രൂപയുമായി കടന്നു ഒരു വാനുമായി ഡ്രൈവറിന്റെ വാര്‍ത്തയാണ് ഇപ്പോള്‍ സമൂഹമാധ്യമങ്ങളിലെ ചര്‍ച്ചാ വിശയം. രണ്ട് ഉദ്യോഗസ്ഥര്‍ എടിഎമ്മില്‍ പണം നിറയ്ക്കുന്നതിനിടെയാണ് 82.50 ലക്ഷം രൂപ നിറച്ച പെട്ടിയും വാനുമായി ഡ്രൈവര്‍ കടന്നു കളഞ്ഞത്. മഹാരാഷ്ട്രയിലെ കൊപര്‍ഖൈറാണേ സ്വദേശിയായ സന്ദീപ് ദാല്‍വി(35) എന്നയാളാണ് സംഭവത്തിനു പിന്നില്‍. പണവുമായി കടന്നുകളഞ്ഞ വാന്‍ ഡ്രൈവറെ 24 മണിക്കൂറിനുള്ളില്‍ പിടികൂടി മുംബൈ പൊലീസ്.
മുംബൈയിലെ വിവിധ എ.ടി.എമ്മുകളില്‍ നിറയ്ക്കാനുള്ളതായിരുന്നു പണം. ബുധനാഴ്ച രാത്രിയാണ് സംഭവം നടന്നത്. ഒപ്പമുണ്ടായിരുന്ന രണ്ട് ഉദ്യോഗസ്ഥര്‍ ഉല്‍വേയിലെ ഒരു എ.ടി.എമ്മില്‍ പണം നിറയ്ക്കുകയും സുരക്ഷാജീവനക്കാരന്‍ കാവല്‍നില്‍ക്കുകയും ചെയ്യുന്നതിനിടെയാണ് വാനും അതിനുള്ളിലെ പണപ്പെട്ടിയുമായി സന്ദീപ് കടന്നത്. ഇയാളുടെ മൊബൈല്‍ നമ്ബര്‍ പൊലീസിന് ലഭിച്ചിരുന്നില്ല.
കൂടാതെ സംഭവം നടന്നത് രാത്രിയില്‍ ആയിരുന്നതിനാല്‍ സി.സി.ടി.വി. ദൃശ്യങ്ങള്‍ ശേഖരിക്കാനും പൊലീസിന് സാധിച്ചില്ല. തുടര്‍ന്ന് ഇന്‍ഫോര്‍മര്‍മാരുടെയും മറ്റും സഹായത്തോടെയാണ് പ്രതിയെ പിടികൂടിയത്.പന്‍വേല്‍ എസ്.ടി. സ്റ്റാന്‍ഡില്‍നിന്ന് പന്‍വേല്‍ റെയില്‍വേ സ്റ്റേഷനിലേക്ക് സന്ദീപ് പോകുന്നതായി പൊലീസിന് വിവരം ലഭിക്കുകയായിരുന്നു.
ഇരുസ്ഥലങ്ങളെയും ബന്ധിപ്പിക്കുന്ന റോഡില്‍നിന്ന്, വ്യാഴാഴ്ച രാത്രിയാണ് പൊലീസ് ഇയാളെ പിടികൂടിയത്. പന്‍വേലില്‍നിന്ന് ട്രെയിന്‍ കയറി മറ്റ് എവിടേക്കെങ്കിലും പോകാനായിരുന്നു സന്ദീപിന്റെ ശ്രമമെന്നാണ് കരുതുന്നതെന്ന് എന്‍.ആര്‍.ഐ. കോസ്റ്റല്‍ പൊലീസ് പറഞ്ഞു. അറസ്റ്റ് രേഖപ്പെടുത്തിയതിന് പിന്നാലെ സന്ദീപിനെ കോടതിയില്‍ ഹാജരാക്കി.
ഇയാളെ ഏപ്രില്‍ 20 വരെ കോടതി, പൊലീസ് കസ്റ്റഡിയില്‍ വിടുകയും ചെയ്തു.അറസ്റ്റിലായ സമയത്ത് 41,800 രൂപയായിരുന്നു സന്ദീപിന്റെ പക്കലുണ്ടായിരുന്നത്. ഇയാള്‍ അയ്യായിരം രൂപ മദ്യത്തിനു വേണ്ടി ചിലവഴിച്ചിരുന്നെന്നും ആയിരം രൂപ ടിപ്പ് ആയി ഒരു ഓട്ടോ ഡ്രൈവര്‍ക്ക് നല്‍കിയിരുന്നെന്നും പൊലീസ് പറഞ്ഞു.
