NEWS 22 TRUTH . EQUALITY . FRATERNITY
Related Articles
സിസിഎല്ലിൽ കേരള സ്ട്രൈക്കേഴ്സിന്‍റെ സ്ഥിരതയാർന്ന കളിക്കാരനാണ് രാജീവ് പിള്ള. സ്ട്രൈക്കേഴ്സിന്‍റെ ആദ്യ നാളുകൾ മുതൽ മികച്ച പ്രകടനം കാഴ്ചവയ്ക്കുന്ന താരം ഇത്തവണയും ആരാധകരെ നിരാശപ്പെടുത്തിയില്ല. എന്നാൽ കളിച്ച രണ്ട് മത്സരങ്ങളിലും സ്ട്രൈക്കേഴ്സ് പരാജയപ്പെട്ടു. അമ്മ ജനറൽ സെക്രട്ടറി ഇടവേള ബാബുവും സ്ട്രൈക്കേഴ്സിനുള്ള പിന്തുണ പിൻവലിച്ചതായി അറിയിച്ചു. മോഹൻലാലും പിൻമാറി. എന്നാൽ അമ്മ പിന്തുണ പിൻവലിച്ചതുമായി ബന്ധപ്പെട്ട് ഔദ്യോഗിക കത്തുകളൊന്നും ലഭിച്ചിട്ടില്ലെന്ന് കേരള സ്ട്രൈക്കേഴ്സിന്‍റെ പ്രമുഖ കളിക്കാരൻ കൂടിയായ രാജീവ് പിള്ള പറഞ്ഞു. അമ്മയും മോഹൻലാലും പിന്തുണ പിൻവലിച്ചതായി അറിഞ്ഞിട്ടില്ല. അമ്മയിൽ നിന്ന് ഔദ്യോഗിക അറിയിപ്പ് ലഭിക്കാതെ ഇക്കാര്യത്തിൽ അഭിപ്രായം പറയാൻ കഴിയില്ലെന്നും രാജീവ് പിള്ള പറഞ്ഞു.
2012 മുതൽ കേരള സ്ട്രൈക്കേഴ്സ് സിസിഎല്ലിന്‍റെ ഭാഗമാണ്. സിസിഎൽ അക്കാലത്ത് ആളുകൾക്ക് ഒരു ജിജ്ഞാസയായിരുന്നു. 2013 ലും ലീഗ് വൻ ഹിറ്റായി. എന്നാൽ അതിനുശേഷം മത്സരത്തോടുള്ള പ്രേക്ഷകരുടെ താൽപ്പര്യം കുറഞ്ഞുവെന്നും രാജീവ് പറഞ്ഞു. 2018 മുതൽ കേരള താരങ്ങൾ സിസിഎല്ലിൽ ഇല്ല, പിന്നീട് വിവിധ കാരണങ്ങളാൽ സിസിഎല്ലിനെ സസ്പെൻഡ് ചെയ്തു. 2023 ലാണ് സിസിഎല്ലും കേരള സ്ട്രൈക്കേഴ്സും വീണ്ടും ചർച്ചാവിഷയമായത്. തുടർച്ചയായി രണ്ട് മത്സരങ്ങൾ തോറ്റതിൽ ആളുകൾ നിരാശരായി.
കേരള സ്ട്രൈക്കേഴ്സിലെ ഏറ്റവും മികച്ച പ്രകടനം കാഴ്ചവച്ചവരിൽ ഒരാളാണ് രാജീവ് പിള്ള. എന്നിരുന്നാലും, ക്രിക്കറ്റിന്‍റെ പേരിലല്ല, താൻ അഭിനയിച്ച സിനിമകളിലൂടെ അറിയപ്പെടാനാണ് രാജീവ് ആഗ്രഹിക്കുന്നത്. സിസിഎൽ വരുമ്പോൾ മാത്രം ക്രിക്കറ്റ് കളിക്കുന്ന ഒരാളാണ് താൻ. താനൊരു അഭിനേതാവ് മാത്രമാണ്. സുഹൃത്തുക്കളോടൊപ്പം പാടത്ത് മാത്രമേ കളിക്കാറുള്ളൂ. ഉന്നത വിദ്യാഭ്യാസത്തിനായി ഇംഗ്ലണ്ടിലേക്ക് പോയപ്പോളാണ് നന്നായി ക്രിക്കറ്റ് കളിക്കാൻ പഠിച്ചത്. ചെയ്ത സിനിമയെക്കുറിച്ച് ആളുകൾ അഭിപ്രായം പറയണമെന്നാണ് താൻ ആഗ്രഹിക്കുന്നതെന്നും രാജീവ് പറഞ്ഞു.
