NEWS 22 TRUTH . EQUALITY . FRATERNITY
Related Articles
റെക്കോഡുകള് കടന്ന് കുതിക്കുന്ന അത്യുഷ്ണത്തില് പടിഞ്ഞാറന് കാനഡയില് മരണസംഖ്യ കുത്തനെ ഉയരുന്നു. ബ്രിട്ടീഷ് കൊളംബിയ പ്രവിശ്യയില് മാത്രം ഒരാഴ്ചക്കിടെ 719 പേര് മരിച്ചതായി അധികൃതര് വെളിപ്പെടുത്തി.
ഇവരിലേറെ പേരും അത്യുഷ്ണത്തിന്റെ ഇരകളാണെന്നാണ് കരുതുന്നത്. ചൂട് കൂടിയതോടെ പലയിടങ്ങളിലും വന്തോതില് അഗ്നിബാധയും റിപ്പോര്ട്ട് ചെയ്യപ്പെട്ടിട്ടുണ്ട്. 130 തീപിടിത്ത സംഭവങ്ങളാണ്
ദിവസങ്ങള്ക്കിടെ മാത്രം ഉണ്ടായത്. ബ്രിട്ടീഷ് കൊളംബിയയിലെ ലിട്ടണ് ഗ്രാമം പൂര്ണമായി അഗ്നിയെടുത്തു. ഇവിടെ രണ്ടു പേരുടെ മരണവും സ്ഥിരീകരിച്ചിട്ടുണ്ട്. 49.6 ഡിഗ്രിയാണ് കഴിഞ്ഞ ദിവസം ലിട്ടണില്
ചൂട് രേഖപ്പെടുത്തിയത്. നിരന്തരം സംഭവിക്കുന്ന ഇടിമിന്നലുകളാണ് അഗ്നിബാധ വര്ധിപ്പിക്കുന്നതെന്നാണ് അധികൃതരുടെ വിശദീകരണം. 12,000 ഇടിമിന്നലുകളാണ് ബ്രിട്ടീഷ്
കൊളംബിയയില് രേഖപ്പെടുത്തിയത്. രാജ്യം ഭീതിയിലായതോടെ വിഷയം ചര്ച്ച ചെയ്യാന് പ്രധാനമന്ത്രി ജസ്റ്റിന് ട്രൂഡോ അടിയന്തര യോഗം വിളിച്ചുചേര്ത്തിട്ടുണ്ട്
